上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
歷代志下
17
猶大王約沙法
約沙法續接伊的老父亞撒做猶大王，奮發自強，對抗以色列。
2 伊派軍隊駐在佇猶大許個堅固的城，閣佇猶大地，及伊的老父亞撒所攻取以法蓮許個城派兵防守。
3 上主及約沙法同在，因為伊照伊的老父初期的所做去做，無拜巴力；
4 只有服事伊的老父的上帝，遵行伊的誡命，無照以色列諸王的所做去做。
5 所以上主堅固約沙法的統治；猶大人民獻禮物互伊。伊就有真多財富閣真受人尊敬。
6 伊勇敢行上主的道路；閣對猶大廢除山頭壇及亞舍拉女神的柱像。
7 伊作王第三年派伊的人臣便‧亥伊勒、俄巴底亞、撒迦利亞、拿坦業、米該亞，去猶大逐個城教導人民。
8 及𪜶做夥去的有利未人示瑪雅、尼探雅、西巴第雅、亞撒黑、示米拉末、約拿單、亞多尼雅、多比雅、駝‧巴多尼雅，以及祭司以利沙瑪及約蘭。
9 𪜶帶上主律法的冊，行透猶大所有的城，教示人民。
約沙法的軍力
10 猶大周圍列國攏真驚上主，毋敢及約沙法交戰。
11 非利士人有的進貢銀互約沙法；阿拉伯人閣送綿羊及山羊各七千七百隻。
12 約沙法愈來愈強盛，佇猶大起要塞及囤積的城。
13 伊佇猶大的城有做真多工程；閣佇耶路撒冷有勇猛的戰士。
14 𪜶的數目，照宗族記佇下面：猶大支族第一個指揮官是押拿，導勇猛的戰士三十萬；
15 第二個是約哈難，導二十八萬；
16 第三個是細基利的子亞瑪斯雅，伊甘願奉獻家己互上主，導二十萬勇猛的戰士。
17 便雅憫支族的勇猛戰士以利雅大，導攑弓箭及盾牌的戰士二十萬；
18 第二個是約薩拔，導武裝戰士十八萬。
19 諸個攏啲侍候王；另外猶有王派駐佇猶大堅固的城的軍隊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。