上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
16
猶大國的王亞哈斯
( 代下 28:1-27 )
利瑪利的子比加十七年，猶大王約坦的子亞哈斯坐位。
2 亞哈斯坐位的時二十歲，佇耶路撒冷做王十六年；無親像伊的祖大衛行耶和華──伊的上帝所看做好的事，
3 就是行以色列諸個王的路，閣互伊的子經過火，照耶和華對以色列人的面前趕出外邦人所行可惡的事，
4 閣佇山頭壇、佇山的頂面、佇逐欉青翠的樹腳獻祭燒香。
5 彼時亞蘭王利汛及以色列王利瑪利的子比加上來攻擊耶路撒冷，圍困亞哈斯，總是𣍐贏伊。
6 當時亞蘭王利汛收回以拉他互亞蘭，就趕猶大人出以拉他。亞蘭人就來以拉他，徛起遐，到今仔日。
7 亞哈斯差使者去見亞述王提革拉‧毗列色，講：「我是你的奴僕、你的子。今亞蘭王及以色列王攻擊我，求你上來救我脫離𪜶的手。」
8 亞哈斯將耶和華殿內及王宮府庫所有的金銀做禮物送互亞述王。
9 亞述王聽伊，亞述王就上去攻擊大馬色，取伊，掠伊的百姓到吉珥，刣死利汛。
10 亞哈斯王去大馬色欲迎接亞述王提革拉‧毗列色，佇大馬色看見一座壇，亞哈斯王將彼個壇的款式、規模、制度，寄互祭司烏利亞。
11 祭司烏利亞就起一座壇，照亞哈斯王對大馬色所寄來一切的圖，照按呢祭司烏利亞造伊，聽候亞哈斯王對大馬色來。
12 王對大馬色倒來，王看見壇，王近倚壇，獻祭佇彼頂面；
13 燒伊的燒祭、及素祭，閣灌奠，將謝恩祭的血灑佇壇裡，
14 閣將耶和華頭前的銅壇對殿的頭前，就是對伊的壇及耶和華殿的中間徙來下佇伊的壇的北勢。
15 亞哈斯王命令祭司烏利亞講：「早起時的燒祭、下昏時的素祭，王的燒祭、素祭，國內眾百姓的燒祭、素祭、及灌奠，攏著燒佇大壇的頂面。燒祭及祭祀的血也著灑佇此個壇頂，總是銅壇我欲做問的路用。」
16 祭司烏利亞就照亞哈斯王所命令的去行。
17 亞哈斯王剉斷許個座的墘，將盆對許個座徙落來，閣將銅海對載海的銅牛頂搬落來，下佇舖灰石的所在；
18 閣因為亞述王的緣故，將殿內為著安息日所起的廊及王對外面入來的廊，對耶和華的殿移徙。
19 亞哈斯其餘所行的事豈無攏記佇猶大列王的記錄嗎？
20 亞哈斯及伊的列祖同睏，及伊的列祖葬佇大衛的城。伊的子希西家續接伊做王。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。