上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
10
亞哈的眾子受刣
亞哈有七十個子佇撒瑪利亞。耶戶寫批寄去撒瑪利亞，互耶斯列許個首領，長老及許個撫養亞哈的眾子的，
2 批講：「恁的主人許個子及恁佇遐，恁閣有車馬、及堅固的城、及器械，
3 此張批到恁遐的時，就著佇恁主人許個子的中間揀一個𠢕閣妥當的，互伊坐𪜶老父的位，恁也通為恁主人的家交戰。」
4 𪜶真驚，相及講：「看啊，二個王佇伊的面前尚且徛𣍐住，咱豈可徛會住？」
5 管家者、及城守、及許個長老，及撫養許個子者，差人去見耶戶，講：「阮是你的奴僕，見你所給阮講的，阮欲行，阮無欲設立人做王，你所看做好的，通行伊。」
刣死亞哈的眾子
6 伊閣寫批互𪜶講：「恁若為我，聽趁我的話，著取恁的主人許個子的頭殼，明仔日此時來耶斯列我遮。」王的子七十人及城內尊貴的人，就是撫養𪜶的相及住。
7 批一下到，𪜶就掠王的子七十人，一盡刣死，將頭殼下佇筐裡，送到耶斯列、耶戶遐。
8 有一個使者來給伊講：「𪜶帶王許個子的頭殼來。」耶戶講：「將𪜶疊做二堆下佇城門口，到明仔早起。」
9 隔早起，耶戶出來，徛啲，給眾百姓講：「恁攏是公義，看啊，我背叛我的主人，刣死伊；總是刣死諸個眾人的是是誰啊？
10 今通知耶和華的話，就是耶和華論亞哈的家所講的無一句拍磕落，因為耶和華託伊的奴僕以利亞所講的話攏有做成。」
11 屬亞哈的家佇耶斯列所剩的人及伊的大臣、親密的朋友、祭司，耶戶一盡刣𪜶，無留一個。
亞哈謝的親族受刣
12 耶戶起來去到撒瑪利亞。佇路裡、到牧者剪羊毛的厝，
13 抵著猶大王亞哈謝的兄弟，問𪜶講：「恁是甚麼人？」應講：「阮是亞哈謝的兄弟，今落去欲請安王的子及王后的子。」
14 伊講：「活活掠𪜶！」𪜶就活活掠𪜶，佇剪羊毛的厝的坑仔邊刣死𪜶，共四十二人，無留一個。
亞哈謝其餘的親族受刣
15 耶戶對遐去，抵著利甲的子約拿達來接伊，耶戶請安伊，對伊講：「你的心正直向我，親像我的心向你的心抑無？」約拿達應講：「是。」耶戶講：「若是按呢，伸你的手互我。」伊就伸手互伊；伊就牽伊上車。
16 耶戶講：「你及我相及去，看我為著耶和華的熱心」；就互伊坐佇伊的車，
17 到撒瑪利亞，就刣死見若屬亞哈所剩佇撒瑪利亞的，一盡滅伊，照耶和華對以利亞所講的話。
拜巴力的人受刣
18 耶戶招集眾百姓，給𪜶講：「亞哈服事巴力猶是小可，耶戶欲大大服事伊。
19 所以著召巴力眾先知及一切服事巴力的，及伊攏總的祭司，來我遮，通減一人；因為我欲獻大的祭祀互巴力。見若無來的𣍐得著活。」耶戶按呢行，是用詭計欲一盡刣死拜巴力的人。
20 耶戶講：「著為巴力宣佈嚴肅會！」𪜶就宣佈。
21 耶戶差人遍行以色列地；拜巴力的人攏齊到，無一個無來。𪜶就入巴力的廟，巴力的廟內對此旁到彼旁人滿滿。
22 耶戶吩咐掌禮服的人講：「提禮服出來互一切拜巴力的人穿。」伊就提禮服出來互𪜶。
23 耶戶及利甲的子約拿達入巴力的廟，給拜巴力的人講：「恁著查看，佇恁的中間通有服事耶和華的人，干單拜巴力的人若定。」
24 𪜶入去欲獻祭祀燒祭。
耶戶代先安置八十人佇外面，講：「我將諸個人交佇恁的手，若一人走去，放伊走的人伊的命著賠命！」
25 耶戶獻燒祭明白就給護衛兵及許個軍長講：「恁入去刣𪜶，通容允一人出來！」𪜶就用刀刣𪜶，護衛兵及軍長㧒身屍出去，就去到巴力廟的城，
26 𪜶將巴力廟內的柱像提出來燒；
27 𪜶毀壞巴力的柱像，毀壞巴力的廟用伊做廁池，到今仔日。
28 按呢，耶戶佇以色列中滅無巴力。
29 總是耶戶無離開尼八的子耶羅波安的罪，就是伊所用互以色列犯罪的，就是拜伯特利及但所有金的牛仔。
30 耶和華給耶戶講：「因為你行好成我所看做好的，照我的心意款待亞哈的家，你的子孫欲坐以色列的國位，歷過四代。」
31 總是耶戶無專心遵守來行耶和華──以色列的上帝的律法，無離開耶羅波安的罪，就是所用來互以色列人犯罪的。
耶戶去世
32 彼霎耶和華起頭割以色列國互伊卡細，哈設攻擊以色列的四境，
33 對約但河東勢、基列的全地，迦得人、流便人、瑪拿西人的地，對近亞嫩山谷的亞羅珥，就是基列及巴珊。
34 耶戶其餘的事，見伊所行的及伊的能力豈無攏記佇以色列諸個王的記錄嗎？
35 耶戶及伊的列祖同睏，𪜶埋葬伊佇撒瑪利亞；伊的子約哈斯續接伊做王。
36 耶戶佇撒瑪利亞做以色列王的時歷過二十八年。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。