上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀上
4
所羅門的人臣
所羅門王做以色列眾人的王。
2 伊所有的人臣記佇下面：撒督的子亞撒利雅做祭司，
3 示沙二個子以利何烈、亞希亞做秘書，亞希律的子約沙法做史官，
4 耶何耶大的子比拿雅做軍長，撒督及亞比亞他做祭司，
5 拿單的子亞撒利雅做眾官長，拿單的子撒布得做祭司，也做王的朋友，
6 亞希煞做管家的，亞比大的子亞多尼蘭做督工的。
7 所羅門佇以色列全地設立十二個官員，𪜶為著王及伊的家備辦食物，每年逐人一月日備辦食物。
8 𪜶的名記佇下底：佇以法蓮山地有便‧戶珥；
9 佇瑪迦斯、沙賓、伯‧示麥、以倫‧伯‧哈南有便‧底甲；
10 佇亞魯泊有便‧希悉，伊也佇梭哥及希弗全地；
11 佇多珥的全山地有便‧亞比拿達，伊娶所羅門的查某子他法做某；
12 佇他納及米吉多，及倚近撒拉他拿、耶斯列下旁的伯‧善全地，對伯‧善到亞伯‧米何拉到約念的外面，有亞希律的子巴拿；
13 佇基列的拉末有便‧基別，伊也佇基列的瑪拿西子孫睚珥許個城，巴珊的亞珥歌伯地的大城六十座城，攏有城牆及銅的門楗；
14 佇瑪哈念有易多的子亞希拿達；
15 佇拿弗他利有亞希瑪斯，伊也娶所羅門一個查某子巴實抹做某；
16 佇亞設及亞祿有戶篩的子巴拿；
17 佇以薩迦有帕路亞的子約沙法；
18 佇便雅憫有以拉的子示每；
19 佇基列地，有烏利的子基別，伊也佇亞摩利王西宏及巴珊王噩的地，獨獨伊一人佇遐做官。
所羅門的富強
20 猶大及以色列眾人真多，親像海邊的沙許多，也食也飲也真快樂。
21 對大河到非利士地，直到埃及邊界許個國，所羅門攏管轄𪜶。所羅門活啲的日，𪜶攏進貢服事伊。
22 所羅門逐日所用來食的：幼的麵粉三十歌珥，粗的麵粉六十歌珥，
23 肥的牛十隻，草場的牛二十隻，羊一百隻，猶有鹿、羚羊、赤鹿，及肥的雞。
24 因為伊管轄大河此旁的全地，對提弗薩到迦薩，就是彼個河此旁諸個王，閣佇伊四圍的四方攏享受太平。
25 所羅門活啲的日，對但到別是巴的猶大人及以色列人攏安然徛起，逐人佇伊的葡萄樹腳及無花果樹腳。
26 所羅門有四萬間套車的馬房，有馬兵一萬二千。
27 許個官員逐個照伊的月份給所羅門王，及見若坐所羅門王的桌的備辦食物，攏無欠一項。
28 各人盡伊的職，為著馬及𠢕跑的馬帶大麥及草料到𪜶的所在。
所羅門的智慧
29 上帝賞賜所羅門智慧聰明極大，心也開闊，親像海邊的沙。
30 所羅門的智慧𨃟過東方的人的智慧及埃及一切的智慧。
31 伊的智慧贏過萬人，贏過以斯拉人以探，及瑪曷的子希幔、甲各、達大。伊的名聲報揚佇四圍列國。
32 伊做箴言三千句，詩歌一千連五首。
33 伊講論草木，對黎巴嫩的柏香樹到牆頂發起來的牛膝草，閣講論走獸、飛鳥、蟲𧒴水族。
34 有人對列邦來聽所羅門智慧的話，天下列王聽見所羅門的智慧，也有差人來。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。