上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
3
人違背命令
耶和華上帝所造山野一切的活物，蛇是比𪜶卡狡譎。蛇對婦仁人講：「上帝豈有影講園內一切的樹恁攏通食嗎？」
2 婦仁人對蛇講：「園內樹裡的果子阮通食，
3 只有園中央彼欉樹的果子，上帝曾講：『恁通食伊，亦通摸，驚了會死。』」
4 蛇對婦仁人講：「恁無的確會死；
5 因為上帝知，恁食的日恁的目睭就會開，恁欲親像上帝會分別好歹。」
6 婦仁人看彼欉樹好食，亦合目，閣彼欉樹是通欣慕互人有智慧，就挽伊的果子食伊，續互伊的丈夫，伊亦食伊。
7 𪜶二人的目睭就開，才知𪜶是褪腹裼，就揙無花果葉為家己做裙。
8 日涼冷的時，耶和華上帝行遊佇園內。𪜶聽見伊的聲，彼人及伊的婦仁人就匿佇園內的樹中，來閃避耶和華上帝的面。
9 耶和華上帝叫彼人，對伊講：「你佇叨落？」
10 伊就講：「我聽見你的聲佇園內，我就驚；因為我褪腹裼，就家己匿。」
11 講：「是誰給你講你褪腹裼？我吩咐你通食彼欉樹，你食伊嗎？」
12 彼人講：「你所互我做伴的婦仁人，伊用彼欉樹的果子互我，我就食伊。」
13 耶和華上帝對婦仁人講：「你所做是甚麼事？」婦仁人講：「蛇引誘我，我就食。」
上帝的宣判
14 耶和華上帝對蛇講：
你已經做此個，所以你受咒詛，
比一切的精牲及山野一切的走獸卡重；
你欲用腹肚行，
一生食土粉。
15 我欲互你及婦仁人結冤讎；
你的後裔及伊的後裔亦結冤讎。
伊欲傷你的頭殼；
你欲傷伊的腳後㬹。
16 閣對婦仁人講：
我的確大大加添你懷孕的艱苦；
你欲艱苦生子。
你欲戀慕你的丈夫；
伊欲管轄你。
17 也對亞當講：
你已經聽趁你的婦仁人的話，
來食我所吩咐你講你通食伊的，
所以土地因為你的緣故受咒詛；
你一世人勞苦才對伊得著食。
18 土地欲為著你發莿帕及蒺藜；
你也欲食園裡的菜蔬。
19 你欲汗流滿面才通得著食，
到你歸土，
因為你是對土提出來。
你本是土粉，也欲歸佇土粉。
20 彼人給伊的某號名叫夏娃，因為伊做眾人的老母。
21 耶和華上帝為著彼人及伊的某，用皮做衣服互𪜶穿。
亞當及夏娃受趕出伊甸園
22 耶和華上帝講：「看啊，此人已經及咱相親像，會分別好歹；今驚了伊伸手閣對活命樹挽來食，就活到永遠。」
23 所以耶和華上帝教伊出伊甸園，來種作彼個土，就是伊所對伊出的。
24 所以趕彼個人出；也佇伊甸園的東勢安置𠼻𡀔兵及四面轉踅發火焰的劍，來防守活命樹的路。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。