上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
28 以撒叫雅各來，給伊祝福亦吩咐伊講：「你通娶迦南的查某囝仔做某。
2 你起來去巴旦‧亞蘭，到你的外公彼土利的家，佇你的母舅拉班查某子的中間娶一個做某。
3 願全能的上帝賜福你，互你生湠真多，成做多多族，
4 閣將所應允亞伯拉罕的福氣互你及你的後裔，互你承接你所寄居的地，就是上帝所互亞伯拉罕的。」
5 以撒差雅各去，伊就去巴旦‧亞蘭，到亞蘭人彼土利的子拉班遐。伊是雅各、以掃的母舅。
以掃閣娶一個某
6 以掃看見以撒給雅各祝福，閣差伊去巴旦‧亞蘭，欲對遐娶某，亦看見祝福伊的時吩咐伊講：「通娶迦南的查某囝仔做某」，
7 閣看見雅各聽父母的話去巴旦‧亞蘭，
8 以掃就知迦南的查某囝仔伊的老父以撒中意，
9 以掃就去以實瑪利遐，佇伊許個某以外閣娶瑪哈拉做某。伊是亞伯拉罕的子以實瑪利的查某子，尼拜約的小妹。
雅各佇伯特利做的夢
10 雅各離開別是巴，向哈蘭去；
11 到一所在，因為日落，就佇遐歇暝，對許個石頭的中間提一塊做枕頭，佇遐睏，
12 夢見有梯徛佇地裡，梯頂抵天，有上帝的使者佇梯裡啲上落。
13 耶和華徛佇梯頂，講：「我是耶和華──你的祖亞伯拉罕的上帝，亦是以撒的上帝；我欲將你現在所睏的地賞賜你及你的後裔。
14 你的後裔欲親像地上的土沙，你欲對東西南北來發展；地上萬族欲因為你及你的後裔得著福氣。
15 我亦及你佇啲。你無論去叨落，我欲保護你，亦欲導你倒來此所在，攏無放拺你，到我成對你所講的。」
16 雅各睏醒，講：「耶和華真正佇遮，我竟然知！」
17 就驚講：「此所在到即通驚！是別項，這是上帝的厝，這是天的門。」
18 雅各早早起來，將伊做枕頭的石徛做柱，倒油佇頂面。
19 就名彼所在叫伯特利；此個城本名路斯。
20 雅各下願講：「上帝若及我佇啲，佇我所行的路保護我，閣互我有物通食，有衫通穿，
21 互我安然倒來我的父的厝，就耶和華的確做我的上帝。
22 我所徛做柱的石欲做上帝的厝；見若你所賞賜我的，我欲將十份的一份獻互你。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。