上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
8
以色列人要求立王
撒母耳已經老，就設立伊的子做以色列的士師。
2 伊的大子名叫約珥，第二子名叫亞比亞；𪜶佇別是巴做士師。
3 總是伊的子無行伊的路，偏私貪財，受賄賂，無照直判斷。
4 以色列的長老攏聚集，到拉瑪見撒母耳，
5 給伊講：「看啊，你已經老，你的子無行你的路。今求你給阮設立一個王判斷阮，親像列國一樣。」
6 𪜶講「求你給阮設立一個王判斷阮」彼個事撒母耳無歡喜，撒母耳就祈禱耶和華。
7 耶和華對撒母耳講：「百姓對你所講一切的話，你著趁，因為𪜶是棄拺你，是棄拺我，無互我做𪜶的王。
8 對我導𪜶出埃及到今仔日，𪜶一切的所行離開我，去服事別個上帝。今也照按呢款待你。
9 所以你著趁𪜶的話，總是著嚴嚴警戒𪜶，互𪜶知將來管理𪜶的王的制度是怎樣。」
10 撒母耳用耶和華的話攏給百姓講，就是許個對伊討一個王的，講：
11 「將來管理恁的王的制度就是按呢：伊欲取恁的子為家己設立伊給伊管車，做伊的馬兵，走佇車的頭前；
12 閣欲為家己設立𪜶做千總、五十夫長，也欲設立人給伊作園，收五穀，製造軍器及車裡的器具；
13 欲取恁的查某子給伊製造芳油，做煮食者做煏餅者；
14 恁的田園、葡萄園、橄欖園彼個上好的，伊欲取伊來互伊的奴僕。
15 恁所種作的及恁的葡萄園，伊欲取十份一互伊的太監及奴僕；
16 閣欲取恁的奴僕女婢，勇健的少年人及恁的驢，來做伊的差用。
17 恁的羊群伊欲取十份的一份，恁也欲做伊的奴僕。
18 彼時恁欲因為所揀的王來喉叫，總是耶和華佇彼時聽恁。」
19 總是百姓肯聽撒母耳的話，講：「啊！阮的確欲一個王治理阮，
20 互阮親像列國一樣，阮的王判斷阮，做頭導阮，替阮交戰。」
21 撒母耳已經聽見百姓攏總的話，就講許個話互耶和華聽。
22 耶和華對撒母耳講：「你著聽𪜶的話，給𪜶設立一個王。」撒母耳給以色列人講：「恁逐個倒去家己的城！」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。