上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記上
1
以利加拿及伊的家眷佇示羅
以法蓮山地的拉瑪‧瑣非有一個以法蓮人，名叫以利加拿，是蘇弗的元孫，託戶的曾孫，以利戶的孫，耶羅罕的子。
2 伊有二個某：一個名哈拿，一個名毗尼拿。毗尼拿有子兒，哈拿無子兒。
3 此人逐年對伊的本城上去到示羅，欲敬拜也欲祭祀萬軍的耶和華；以利二個子何弗尼、非尼哈佇遐做耶和華的祭司。
4 以利加拿獻祭的日，分祭肉互伊的某毗尼拿及伊的子查某子；
5 總是分互哈拿的是雙份，因為伊疼哈拿。若是耶和華關密伊的胎。
6 及伊做對頭的毗尼拿大大激伊，欲互伊憂悶，因為耶和華關密伊的胎。
7 伊上到耶和華的厝的時，以利加拿年年按呢行；毗尼拿猶原激伊，伊就啼哭續食。
8 伊的丈夫以利加拿給伊講：「哈拿啊，你啥事啼哭，啥事食，啥事心憂悶啊？我對佇你豈無比十個子卡好嗎？」
哈拿及以利
9 𪜶佇示羅飲食了後，哈拿就起來。祭司以利佇耶和華殿的門竪邊，坐佇伊的位。
10 哈拿的心內憂苦，祈禱耶和華，來大啼哭，
11 下願講：「萬軍的耶和華啊，你若果然垂落看顧你的女婢的艱難，閣數念我無𣍐記得你的女婢，賞賜你的女婢生查甫子，我欲互伊歸佇耶和華到一世人，剃頭刀無到伊的頭殼。」
12 哈拿佇耶和華的面前直直祈禱的時，以利注目看伊的嘴。（
13 今哈拿心內靜靜求，只有嘴唇振動，無聽見聲，所以以利掠做伊是酒醉。）
14 以利給伊講：「你欲醉到底時啊？你通閣飲酒。」
15 哈拿應講：「我的主啊，是按呢。我是心內憂苦的婦仁人，薄酒厚酒我攏無飲，獨獨佇耶和華的面前吐出心情。
16 莫得掠你的女婢做歹德行的婦女。因為我到今對我的大憂悶，受激氣來講。」
17 以利應伊講：「你通平安倒去。願以色列的上帝允准你所對伊求的！」
18 哈拿講：「願你的女婢得著恩佇你的面前。」婦仁人就倒去來飲食，就無閣再帶憂容。
撒母耳出世及奉獻
19 隔日，𪜶早早起來，佇耶和華的面前敬拜，就倒去拉瑪。到伊的家，以利加拿及某哈拿同房，耶和華數念哈拿，
20 哈拿就懷孕。到時，就生一個子，給伊號名叫撒母耳，講：「這是我對耶和華求的。」
21 彼人以利加拿及伊的通家攏上去，欲用逐年的祭祀，及伊所下的願獻互耶和華。
22 總是哈拿無上去，給伊的丈夫講：「聽候囝仔斷奶，我就帶伊上去互伊朝見耶和華，永遠𫢶佇遐。」
23 伊的丈夫以利加拿給伊講：「照你所看做好的來行！通聽候囝仔斷奶。總是願耶和華應驗伊的話。」對按呢婦仁人佇家內育子，到斷奶；
24 已經給伊斷奶，就導伊相及上示羅，到耶和華的厝；閣帶三隻牛牨，一伊法幼的麵粉，一皮袋酒。（彼時，囝仔猶細漢。）
25 𪜶刣一隻牛牨，就導囝仔到以利的面前。
26 婦仁人講：「我的主啊，我指你的活命來咒誓，我的主啊，前徛佇你遮祈求耶和華的彼個婦仁人，就是我。
27 我求愛得著此個囝仔；耶和華已經賞賜我所對伊求的。
28 所以，我用此個囝仔還耶和華，伊一世人還耶和華。」
就佇遐敬拜耶和華。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。