上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
士師記
12
耶弗他及以法蓮人
以法蓮人聚集，到北方，對耶弗他講：「你過去及亞捫人交戰，啥事無叫阮及你去啊？阮欲用火燒你及你的厝。」
2 耶弗他對𪜶講：「我及我的百姓及亞捫人大計較；我招恁來，恁竟然無救我脫離𪜶的手。
3 我看見恁無來救我，我就拼命進前去攻擊亞捫人，耶和華將𪜶交佇我的手。恁今仔日啥事來我遮欲及我交戰啊？」
4 耶弗他就聚集基列的眾人，及以法蓮人交戰。基列人拍死以法蓮人，因為𪜶講：「恁基列人佇以法蓮、瑪拿西的中間，是以法蓮逃走的人。」
5 基列人佇以法蓮人的頭前，把守約但的渡口。以法蓮逃走的若講：「請互阮過去。」基列人就問伊講：「你是以法蓮人抑是？」
6 伊若講：「是」，就給伊講：「你講『示播列』。」伊講做『西播列』，因為𪜶的音講𣍐正。𪜶就掠伊，刣佇約但的渡口。彼時以法蓮人受刣的四萬二千人。
7 耶弗他做以色列的士師六年。基列人耶弗他死，埋葬佇基列的一個城。
以比讚、以倫、押頓
8 耶弗他了後，有伯利恆人以比讚做以色列的士師。
9 伊有三十個子，閣三十個查某子；嫁佇外口。也對外口給伊的子娶三十個媳婦。伊做以色列的士師七年。
10 以比讚死，埋葬佇伯利恆。
11 伊了後，有西布倫人以倫做以色列的士師，伊做以色列的士師十年。
12 西布倫人以倫死，埋葬佇西布倫地的亞雅崙。
13 伊了後，有比拉頓人希列的子押頓做以色列的士師。
14 伊有四十個子，三十個孫，騎七十隻驢仔。伊做以色列的士師八年。
15 比拉頓人希列的子押頓死，埋葬佇以法蓮地的比拉頓，佇亞瑪力人的山地。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。