上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
33
摩西祝福以色列眾支派
上帝的奴僕摩西佇伊猶未死的代先給以色列人祝福，所祝福的話記佇下底：
2 伊講：耶和華對西奈來，
為著𪜶對西珥起來，
對巴蘭的山照出光，
對萬萬聖者遐來，
對伊的正手為著𪜶發出烈火的律法。
3 伊不止疼痛許個百姓；
伊許個聖者攏佇你的手。
𪜶坐佇你的腳下，
聽受你許個話。
4 摩西用律法傳互咱，
做雅各會眾的產業。
5 百姓的首領，
以色列的眾支派，
相及聚會的時，
伊佇耶書崙做王。
6 願流便活啲，無死；
願伊的人額無少。
7 伊給猶大祝福按呢講：
求耶和華聽猶大的聲，
導伊到伊的百姓遐；
伊曾用伊的手為家己交戰，
你欲幫助伊抵當伊的對敵。
8 論利未講：
你的土明及你的烏陵
及你聖潔的人相及佇啲。
你佇瑪撒曾試伊，
佇米利巴的水曾及伊相爭。
9 伊論到伊的老父伊的老母就講：
我曾看見伊；
也無承認伊的兄弟，
也無承認伊的子兒。
因為𪜶行你的話，
守你的約。
10 𪜶欲用你的法度教示雅各，
用你的律法教示以色列。
𪜶欲用香下佇你的面前，
及全牲隻的燒祭佇你的壇頂。
11 願耶和華賜福伊的產業，
接納伊的手所做的工。
許個起來攻擊伊及怨恨伊的人，
願你拍折𪜶的腰，
互𪜶𣍐閣起來。
12 論便雅憫就講：
耶和華所疼的欲及伊安然徛起；
耶和華通日保護伊，伊也欲𫢶佇伊的肩頭中。
13 論約瑟就講：
願伊的地得著耶和華賜福，
得著天頂的寶物、及露水，
以及地下所囥的水源；
14 得著日頭所生的寶物，
月所出的寶物；
15 得著古早的山的至寶，
及永世代的山嶺的寶物；
16 得著地的寶物及其中所充滿的，
以及𫢶佇莿帕內者的恩惠。
願許個攏歸佇約瑟的頭殼，
歸佇彼個及伊的兄弟分開者的頭殼頂。
17 親像牛的頭上生的，榮光屬佇伊；
伊的角是野牛的角，
用𪜶來觸萬百姓，到佇地極。
這是以法蓮的萬萬，
瑪拿西的千千。
18 論西布倫就講：
西布倫啊，你出外通歡喜。
以薩迦啊，佇你的布棚內通快樂。
19 𪜶欲召諸個百姓到山裡，
佇遐欲獻公義的祭；
因為𪜶欲吸收海裡的豐盛，
及山裡所囥的寶貝。
20 論迦得就講：
開闊迦得的得著謳咾！
伊匿啲親像母的獅；
伊拆裂手骨及頭殼。
21 伊為家己備辦代先得著的業，
因為佇遐有設律法者的分額留啲。
伊及百姓的首領相及來；
行耶和華的公義
及以色列相及行伊的判斷。
22 論但就講：
但是細隻獅，
對巴珊跳出。
23 論拿弗他利就講：
拿弗他利啊，得著恩惠充足，
也得著耶和華的賜福滿滿的，
欲得著西勢及南勢做業。
24 論亞設就講：
願亞設因為子多來得著福氣，
得著𪜶的兄弟的歡喜，
通用伊的腳搵佇油裡。
25 你的門楗是鐵的，銅的。
你的日子怎樣，你的氣力也欲按呢。
26 耶書崙啊，無有親像上帝的。
伊坐天來幫助你，
也坐穹蒼，顯明伊的榮光。
27 永活的上帝做你徛起的所在；
永遠的手佇你的下面。
伊佇你的面前趕對敵，
閣講：毀滅伊。
28 以色列安然徛起；
雅各的後裔家己住佇五穀及酒的地。
伊的天也滴落露水。
29 以色列啊，你有福氣！
是誰親像你此個互耶和華所拯救的百姓啊？
伊是你的盾牌，保護你，
是你榮耀的刀劍。
你的對敵欲投降你；
你欲踏佇𪜶高的所在。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。