上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
19
設立逃閃城
( 民 35:9-28 書 20:1-9 )
「耶和華──你的上帝將來剪除許個國，就是耶和華──你的上帝用𪜶的地賞賜你的，你承接𪜶來徛起𪜶的城及𪜶的厝，
2 彼時你就著佇耶和華──你上帝賞賜你做業的地給伊分別三個城。
3 著將耶和華──你上帝所賞賜你承接界內的地分做三區；閣給伊開路，互許個刣人的，攏通走去遐。
4 「刣死人的走去遐就通得著活，彼個例就是按呢：見若平素無結怨，錯誤來刣死伊的厝邊，
5 就是親像人及伊的厝邊去樹林欲剉樹木，手攑斧頭一下剉，欲剉彼個樹，斧頭肉𢬳去，傷著伊的厝邊，致到死，此個人著走到許個城的一個，就通活啲，
6 免得報人命的，當伊心火𤏸的時追趇刣人的人，因為路真遠趇著，就刣死伊；其實伊應該死，因為平時伊無怨恨伊。
7 所以我命令你講，著給伊分別三個城。
8 耶和華──你的上帝若照伊對你的列祖所咒誓的開闊你的境界，將所應允賞賜你的列祖的全地互你，
9 我今仔日所命令你一切的誡命你若執守來行伊，疼耶和華──你的上帝，常常行伊許個道路，就佇此三個城以外，著閣為家己加設三個城，
10 免得無罪的血流佇耶和華──你上帝所賞賜你做業的地，致到流血的罪歸佇你。
11 「總是人若怨恨伊的厝邊，匿啲起來拍伊，傷害伊到死，就走到許個城的一個，
12 伊的城的長老就著差人，對遐帶伊出來，交佇報人命的人的手，互伊死。
13 你的目睭通可憐伊，佇以色列中著除去無罪的血，互你通得著福氣。」
14 「佇耶和華──你上帝所賞賜你承接的地，通移徙厝邊的界址，彼個是前的人所祀佇你續接的業的內面的。」
有關證人的條例
15 「干單一人𣍐通起來干證人甚麼歹，甚麼罪，就是伊見所犯的罪，的確著憑二個干證的人的嘴，抑是三個干證的人的嘴才通定伊的案。
16 若有濫糝干證的起來攻擊某人，干證伊行歹，
17 就此二個相諍的人著徛佇耶和華的面前，及當時的祭司，及審判官的面前，
18 審判官著詳細查問，看啊！若做干證的人果然是假干證，用假干證欲害伊的兄弟，
19 恁就著款待伊親像伊想欲款待伊的兄弟的。按呢，對恁中間除去彼個歹。
20 其餘的人聽見攏欲驚，就佇恁中間無閣行此號歹。
21 你的目睭通可憐伊，著用命賠命，目睭賠目睭，嘴齒賠嘴齒，手賠手，腳賠腳。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。