上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
15
安息年
( 利 25:1-7 )
「逐擺到七年的路尾，你著行解放。
2 解放的例就是按呢：凡若債主借厝邊的著解放；通對你的厝邊及兄弟追討，因為耶和華的解放已經宣佈啦。
3 若是外國人，你通給伊追討所欠的；獨獨你的物佇你的兄弟的，你的手著解放伊。
4-5 你若留心聽耶和華──你上帝的話，執守來行我今仔日所命令你這一切的誡命，就欲佇恁中間無喪鄉人（因為佇耶和華──你的上帝所賞賜你做業的地，耶和華欲大大賜福你。）
6 因為耶和華──你的上帝欲照伊所應允賜福你。你欲借互多多國，也你免借；你欲管轄多多國，也𪜶𣍐管轄你。
7 「佇耶和華──你的上帝所賞賜你的地，若佇你一個城門內，你的兄弟中有一個喪鄉人及你佇啲，就通對你喪鄉的兄弟硬你的心、勼你的手。
8 的確著對伊開你的手，照伊所欠用的借伊，補伊的無夠。
9 你著家己謹慎，驚了你心內有歹念頭，講：『第七年解放的年近啦』，你就眥你喪鄉的兄弟，攏互伊，致到伊為著你求叫耶和華，你就有罪。
10 你的確著互伊，互伊的時心內通煩惱；因為對此個事耶和華──你的上帝欲佇你一切所行的，及你的手所做的，賜福你。
11 因為佇彼所在喪鄉人永𣍐斷；所以我命令你講：『佇你的境內的確著對你的兄弟喪鄉的欠缺的來開你的手。』」
對待奴僕的條例
12 ( 出 21:1-11 )
「你的兄弟中，若有一個希伯來的查甫人抑是希伯來的查某人賣互你，服事你六年，到第七年就解放伊去自由。
13 你解放伊去自由的時，通互伊空手去，
14 著對你的羊群、五穀場、酒窟中多多互伊；照耶和華──你上帝所賜福你的，來互伊。
15 著記得你佇埃及地做奴才，耶和華──你的上帝救贖你；因為按呢，我今仔日命令你此個事。
16 伊若對你講：『我無欲離開你』，因為伊疼你及你的家眷，閣因為𫢶你遐徛真好，
17 你著用鑽仔對門裡貫伊的耳仔，伊就永永做你的奴僕。你款待你的女婢也是按呢。
18 你解放伊去自由的時，通掠做剋虧，因為伊服事你六年，比倩工的重倍值。耶和華──你的上帝欲佇你所做一切的事賜福你。」
頭水生牛羊的條例
19 「見若牛群羊群頭水生的，公的，你著分別做聖，歸互耶和華──你的上帝。牛群頭水生的，通做工；羊群頭水生的，通剪伊的毛。
20 你及你的家眷，逐年著食伊佇耶和華──你上帝的面前，就是佇耶和華所欲揀的所在。
21 若有破相的、或是跛腳、或是睛瞑，無論有甚麼歹的破相，攏通做祭獻互耶和華──你的上帝；
22 通佇你的門內食伊；無清氣及清氣的人攏通，親像食羚羊及鹿一樣；
23 獨獨通食伊的血；著傾佇地裡，親像傾水一樣。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。