上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
11
主的偉大
「所以你著疼耶和華──你的上帝，常常守伊所吩咐你守的，及伊的律例、法度、誡命。
2 恁今仔日著知，因為我是及恁的子兒講，𪜶知，也無看見耶和華──恁上帝的教督、威嚴、大權能的手，及伸出的手骨，
3 以及伊的神蹟，伊的所做見若佇埃及中對埃及王法老及伊的全地所行的；
4 也伊怎樣款待埃及的軍兵、及𪜶的馬、𪜶的車，𪜶追趇恁的時，耶和華怎樣互紅海的水淹𪜶，滅無𪜶到今仔日，
5 閣伊佇曠野怎樣款待恁，到恁來此個所在；
6 閣伊怎樣款待流便的子孫以利押的子大坍、亞比蘭，地怎樣佇以色列人的中間開嘴，吞𪜶及𪜶的家眷，以及𪜶的布棚及一切跟隨𪜶的活物。
7 只有恁親目看見耶和華所做一切的大事。」
應允的地的福澤
8 「所以，恁著守我今仔日所命令一切的誡命，互恁壯膽，會入去承接恁所欲過去承接的地，
9 也互恁的日子久長，佇耶和華所及恁的列祖咒誓賞賜𪜶、及𪜶的後裔的地；就是彼號流奶及蜜的地。
10 因為你欲入去承接的地，是親像恁出來的埃及地。你佇遐撒種，用腳踏來灌沃，親像菜園。
11 獨獨恁所欲入去承接的地就是有山有山谷，來承受天的雨水的地，
12 是耶和華──你上帝所眷顧的地；對年頭到年尾，耶和華──你上帝的目睭常常看伊。
13 「恁若留心聽趁我的誡命，就是我今仔日所命令恁的，疼耶和華──恁的上帝，盡心盡性服事伊，
14 就我欲照時落你的地所欠用的雨，就是前的雨、後的雨，互你通收成你的五穀、你的酒、你的油，
15 也互你的田野發草，飼你的精牲，你也欲得著飽足。
16 恁著家己謹慎，免得恁的心受迷，致到恁歪斜，去服事別個上帝來敬拜伊。
17 致到耶和華大受氣恁，互天關密無落雨，地也無出產，恁就佇耶和華所賞賜恁的媠地緊緊滅無。
18 「所以恁著用我諸個話記佇恁的心，恁的腦，也著縛佇恁的手做記號，戴佇恁二蕊目睭的中央做紀念；
19 也著用這教示恁的子兒，無論你坐佇厝內，行佇路裡，睏抑是起來，攏著講論；
20 閣著寫佇你的厝的門竪，以及你的門，
21 互恁的日子及恁的子孫的日子，佇耶和華對恁的列祖咒誓賞賜𪜶的地，得著加添多多，親像天蓋地的日許久。
22 恁若注意執守我所命令恁一切的誡命來行伊，疼耶和華──恁的上帝，行伊一切的路，結聯佇伊，
23 耶和華就欲對恁面前趕出這一切的國，恁也欲得著比恁卡大卡強的國。
24 見若恁的腳掌所踏的地攏欲歸互恁；對曠野及黎巴嫩，對彼個河就是伯拉河，到西旁的海，攏欲做恁的境界。
25 欲無一人會徛住佇恁的面前；耶和華──恁的上帝欲互恁所踏的全地攏驚恁愞恁，照伊所對恁講的。」
26 「看啊，我今仔日將祝福及咒詛排佇恁的面前。
27 恁若趁耶和華──恁上帝的誡命，我今仔日所命令恁的，就是祝福。
28 恁若趁耶和華──恁上帝的誡命，歪斜我今仔日所命令恁的路，去趁別個上帝，恁平素所識的，就是咒詛。
29 將來耶和華──你的上帝導你到你所欲入去承接的地，你著下彼個祝福佇基利心山，下彼個咒詛佇以巴路山。
30 此二個山豈是佇約但河彼旁，日落的路的後面，佇徛起亞拉巴的迦南人的地及吉甲相對，倚近摩利橡樹嗎？
31 因為恁欲過約但河，入去承接耶和華──恁上帝所賞賜恁做業的地，恁欲佇遐徛起。
32 恁著執守來行我今仔日佇恁的面前所排列一切的律例法度。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。