上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
20
亞伯拉罕及亞比米勒
亞伯拉罕對遐站站向南方徙去，住佇加低斯及書珥的中間，寄居佇基拉耳。
2 亞伯拉罕講到伊的某撒拉，就講是我的小妹，基拉耳王亞比米勒差人將撒拉導去。
3 暝時，眠夢中，上帝來，給亞比米勒講：「你是該死的人！因為你所娶彼個婦仁人；是人的某。」
4 亞比米勒猶未親近伊；就講：「主啊！行義的百姓，你亦欲滅伊嗎？
5 彼人豈是本身對我講，『伊是我的小妹』嗎？就婦仁人也本身講：『伊是我的兄。』我做此個事是心端正手清氣。」
6 上帝佇夢中對伊講：「我本知你做此個事是心中端正；我才阻擋你，免得你得罪我，所以我無容允你摸著伊。
7 今你著將此人的某還伊；因為伊是先知，伊欲替你祈禱，你才會活。你若還伊，你著知，你及你所有的人攏得欲死。」
8 亞比米勒透早起來，叫眾奴僕來，將諸個代誌攏講互𪜶聽，許個人攏真驚。
9 亞比米勒叫亞伯拉罕來，對伊講：「你對阮所行的是甚麼事？我有甚麼得罪你，你竟然互我及我國內的人陷落重罪？你對我行應該行的事！」
10 亞比米勒閣對亞伯拉罕講：「你看見甚麼才做此個事？」
11 亞伯拉罕講：「我拍算此所在的人攏無驚上帝，𪜶欲為著我的某的緣故刣死我。
12 閣伊亦實在是我的小妹；像父各母，後來做我的某。
13 當上帝教我離開老父的家、四界行的時，我給伊講：『將來咱所到的所在，請你稱我講：伊是我的兄；這就是你款待我的恩。』」
14 亞比米勒將羊、牛、奴僕、女婢互亞伯拉罕，閣將伊的某撒拉還伊。
15 亞比米勒閣講：「你看，我的地攏佇你的面前，你通隨意徛起」；
16 閣給撒拉講：「我互你的兄一千銀，給你對全家做遮目睭的，今你佇一切攏無不是。」
17 亞伯拉罕祈禱上帝，上帝就醫好亞比米勒及伊的某，及女婢，𪜶就會生子。
18 因為耶和華為著亞伯拉罕的某撒拉的緣故，已經互亞比米勒家內的婦仁人𣍐會生子。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。