上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
35
分互利未人的城
耶和華佇摩押的平洋──約但河邊、耶利哥對面吩咐摩西講：
2 「你命令以色列人，著對𪜶所得著的業用城互利未人徛起，也著用城四圍的郊野互利未人。
3 城欲互𪜶徛起，郊野欲做𪜶的牛、羊、財物，及逐樣精牲的路用。
4 恁所互利未人城外的郊野，對城腳四圍量出一千肘。
5 你佇城外量伊，東勢二千肘，南勢二千肘，西勢二千肘，北勢二千肘，城佇中央；這是欲互𪜶做城的郊野。
6 恁所互利未人許個城，其中著六個逃閃的城，恁著設立伊互刣死人的通逃走佇遐。諸個以外著閣互𪜶四十二個城。
7 恁著互利未人的城，共四十八，城及郊野攏著互𪜶。
8 論到恁對以色列人的產業中所互利未人的城；對業多的取卡多城，對業少的取少；各照所承接的業撥出城互利未人。」
逃閃城
9 ( 申 19:1-13 書 20:1-9 )
耶和華吩咐摩西講：
10 「你著吩咐以色列人給𪜶講：恁過約但河，入迦南地，
11 就著撥出幾個城，互恁做逃閃的城，互錯誤刣死人的兇身通逃走佇遐。
12 諸個城通互恁閃避彼個報仇的人，互兇身無致到死，聽候伊徛佇會眾的面前受審判。
13 恁所撥出來的城，著做恁六個逃閃的城。
14 佇約但河外著撥出三個城，佇迦南地也著撥出三個城，做逃閃的城。
15 此六個城著互以色列人及𪜶中間的出外人，及寄腳的，做逃閃的路用，互錯誤刣人的通走去遐。
16 「設使人用鐵器拍人，致到死，伊就是兇犯；兇犯的確著互伊死。
17 伊的手若用會互人死的石擲人，致到人死，伊就是兇犯；兇犯的確著死。
18 伊的手若用會互人死的柴拍人，致到人死，伊就是兇犯；兇犯的確著死。
19 報人命的本身著刣死彼個兇犯，一下抵著伊就著刣伊。
20 人若怨恨彼人來給伊捙倒，抑是匿啲用物擲伊，致到死，
21 豈採因為挾恨用手拍人，致到死，就彼個拍人的的確著死。因為伊真正是兇犯；報人命的抵著兇犯就刣死伊。
22 「設使人無挾恨，忽然捙伊，抑是無匿啲用物擲伊，
23 抑是無看見的時用會拍死人的石頭擲著伊，來致到死，及伊本無冤讎，也無意思欲害伊。
24 會眾就著照許個法度，佇拍死人的及報人命者的中間審判伊。
25 會眾著救彼個錯誤刣人的脫離報人命者的手，會眾也著互伊倒轉伊所走入逃閃的城。伊著𫢶佇彼內面，聽候到抹聖油的祭司頭死。
26 總是錯誤刣死人的，無論怎樣，若出去伊所走入逃閃的城的境外，
27 報人命的若佇逃閃的城的境外抵著伊，來刣死彼個兇犯，報人命的就無刣死人的罪。
28 因為伊應該著𫢶伊逃閃的城，聽候祭司頭死。祭司頭死了後，錯誤刣人的才通倒去伊產業的地。
29 這佇恁一切徛起的所在，欲做恁逐世代的法律。
30 「見若刣死人，彼個兇犯著照幾若個干證的人的話來互伊死，若只有一人做干證就通互人死。
31 刣死人、犯著死罪的，恁通收贖回生命的價錢；的確著互伊死。
32 彼個走到逃閃的城的人，恁通給伊提贖回的價，互伊佇祭司未死的代先閣來𫢶本地。
33 按呢，恁就無拍垃墋恁所徛起的地，因為血是拍垃墋地的；若有血流佇地裡，設使是流彼個刣人者的血，彼個地就𣍐得著清氣。
34 恁通拍垃墋恁所𫢶的地，就是我𫢶佇彼中間的地，因為我──耶和華𫢶佇以色列人的中間。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。