上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
17
亞倫的枴仔
耶和華吩咐摩西講：
2 「你給以色列人講，對𪜶攑枴仔，逐支派一支；就是對許個支派的首領，共攑十二支。你寫逐人的名佇伊的枴仔，
3 佇利未彼支枴仔著寫亞倫的名，因為逐支派的頭人攏有一支枴仔。
4 你著將許個下佇會幕內法櫃的頭前，就是我及恁相會的所在。
5 我所揀彼人，伊的枴仔欲發芽。按呢，我欲互以色列人哀怨的話就是𪜶所哀怨恁的話攏息，無閣互我聽見。」
6 摩西就給以色列人講，𪜶的首領就用枴仔交互伊，照𪜶的支派一個首領一支；一個首領一支，共十二支柺仔；亞倫的枴仔也佇許個枴仔的中間。
7 摩西就將許個柺仔下佇法櫃的布棚內，佇耶和華的面前。
8 明仔日，摩西入去法櫃的布棚。看啊，屬利未的家亞倫的枴仔已經發芽，生花苺，開花，結成杏仁。
9 摩西對耶和華的面前攑許個枴仔出來，到以色列的眾人遐；𪜶看見，逐人攑𪜶的枴仔。
10 耶和華對摩西講：「用亞倫的枴仔猶原下佇法櫃前，留啲做諸個悖逆的人的鑑戒。按呢，你就互𪜶對我哀怨的話息，免得𪜶死無。」
11 摩西按呢行。是照耶和華所命令的來行。
12 以色列人對摩西講：「看啊，阮死啦！阮滅無啦！攏滅無啦！
13 見若倚近就是倚近耶和華的會幕的攏死。阮欲攏總死嗎？」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。