上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
13
十二個探偵
( 申 1:19-33 )
耶和華吩咐摩西講：
2 「你著差人去偷看我所賜互以色列人的迦南地，著對𪜶祖公逐支派中差一人，攏是佇𪜶中間做首領的。」
3 摩西就照耶和華的命令對巴蘭的曠野差𪜶去；𪜶攏是以色列人的族長。
4 𪜶的名記佇下底：屬流便的支派撒刻的子沙某亞。
5 屬西緬的支派何利的子沙法。
6 屬猶大的支派耶孚尼的子迦勒。
7 屬以薩迦的支派約色的子以迦。
8 屬以法蓮的支派嫩的子何西阿。
9 屬便雅憫的支派拉孚的子帕提。
10 屬西布倫的支派梭底的子迦疊。
11 約瑟的子孫，屬瑪拿西的支派蘇西的子迦底。
12 屬但的支派基瑪利的子亞米利。
13 屬亞設的支派米迦勒的子西帖。
14 屬拿弗他利的支派縛西的子拿比。
15 屬迦得的支派瑪基的子臼利。
16 諸個就是摩西所差去、偷看彼個地的人的名。摩西就稱嫩的子何西阿做約書亞。
17 摩西差𪜶去偷看迦南地，對𪜶講：「恁對此個南方上去續𬦰上𪜶的山，
18 看彼個地怎樣，其中所徛的百姓是強抑是弱，是少抑是多，
19 所徛起的地是甚麼款是好抑是歹，所徛的所在甚麼款是營盤抑是堅固的城。
20 閣看彼個地土怎樣，是肥抑是瘦，彼中間有樹木抑無。恁著好膽，將彼所在的果子帶寡仔來。」（彼時抵仔是葡萄起頭熟的時。）
21 𪜶就去偷看彼個地，對尋的曠野到利合，到入哈馬的路口。
22 𪜶對南方上去，到希伯崙；佇遐有亞納族的人亞希幔、示篩、撻買。（希伯崙城起造比埃及的鎖安城卡早七年。）
23 𪜶到以實各的山谷，對遐剉葡萄樹一支，頂面有一葩葡萄，二人用槓仔扛伊，閣帶寡仔石榴及無花果來。（
24 因為以色列人對遐剉一葩葡萄，彼所在才號做以實各的山谷。）
25 𪜶偷看彼個地，四十日久才倒來，
26 到巴蘭的曠野的加低斯，見摩西、亞倫，及以色列的會眾，回覆𪜶及全會，閣用彼所在的果子互𪜶看；
27 閣給伊講：「阮到你所差阮去的地，果然是流奶及蜜的地；這就是彼個地的果子。
28 總是彼所在的百姓勇壯，城也堅固闊大，阮佇遐也看見亞衲族。
29 亞瑪力人𫢶佇南方；赫人、耶布斯人、亞摩利人𫢶佇山地；迦南人𫢶佇海邊及約但河邊。」
30 迦勒佇摩西的面前安慰百姓，講：「咱著立刻上去來得著彼所在！咱有夠額的力會卡贏𪜶。」
31 獨獨許個及伊上去的人講：「咱𣍐會上去攻擊許個百姓，因為𪜶比咱卡勇壯。」
32 𪜶許個人論所偷看的地，對以色列人報歹消息，講：「阮所經過、偷看的地是吞食許個徛起的百姓的地，阮佇遐所看見的百姓攏真大漢。
33 阮佇遐看見亞納族人，就是大漢人；𪜶是大漢人的後裔。照阮看，家己親像草蜢；照𪜶看，阮也是按呢。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。