上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
12
米利暗受罰
米利暗及亞倫嫌摩西為著伊所娶古實的查某子。因為摩西曾娶古實人的查某子做某，𪜶講：
2 「耶和華豈單單及摩西講話，豈也無及阮講話嗎？」此個話耶和華聽見。（
3 彼個摩西做人極其溫柔，贏過世上的眾人。）
4 耶和華忽然對摩西、亞倫、米利暗講：「恁三人出來，到會幕遮。」𪜶三人就出來。
5 耶和華佇雲柱中降臨，徛佇布棚門口，召亞倫及米利暗，𪜶二人就出來。
6 伊講：「著聽我的話：恁中間若有先知，我──耶和華欲用異象互𪜶識我，佇眠夢中及𪜶講話。
7 我的奴僕摩西是按呢；伊盡忠佇我的全家。
8 我欲面對面及伊講話，就是明明講，無用猜語，閣伊欲看見耶和華的形容。恁嫌我的奴僕摩西，啥事無驚啊？」
9 耶和華受氣𪜶就去。
10 雲對布棚頂徙開，看啊，米利暗癩𰣻親像雪。亞倫看米利暗，看啊，伊是癩𰣻，
11 亞倫對摩西講：「我的主啊，求你莫得因為阮的愚戇犯罪，將此個罪歸佇阮。
12 求你通互伊親像已經死，才對老母的胎出、肉已經爛一半。」
13 摩西就哀求耶和華講：「上帝啊，求你醫好伊！」
14 耶和華對摩西講：「設使伊的老父呸涎佇伊的面，伊豈無見誚七日嗎？今著給伊關佇營外七日，然後才通導伊入來。」
15 對按呢關米利暗佇營外七日。百姓無起身，聽候米利暗閣入來。
16 後來百姓對哈洗錄起身，佇巴蘭的曠野安營。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。