上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
21
新天新地
我閣看見有新的天新的地；因為前的天前的地已經過去，海也無閣有。
2 閣看見聖城就是新的耶路撒冷，出佇天，對上帝降落，已經備辦便，親像新娘妝飾，來聽候伊的丈夫。
3 閣聽見大聲對座位出講：「上帝的會幕佇人的中間。上帝欲及𪜶相及徛起，𪜶欲做伊的百姓。上帝本身欲及𪜶佇啲，來做𪜶的上帝。
4 閣欲給𪜶的目睭拭去攏總的目屎；無欲閣有死失，也無欲閣有哀傷、喉叫、痛疼，前的代誌已經過去。」
5 坐佇座位的講：「我換新萬物！」閣講：「你著寫伊；因為諸個話是通信，是真實。」
6 閣給我講：「已經成啦！我就是阿利法及奧美加；是起頭的，及路尾的。我欲對活命的水泉白白互嘴乾的人飲。
7 得勝的人，欲承接諸個：我欲做伊的上帝，伊欲做我的子。
8 若是許個小膽的，信的、可惡的、刣人的、淫亂的、行邪術的、拜偶像的，及攏總白賊的人，𪜶的份額是佇彼個用火及硫磺啲燒的湖；此個就是第二擺的死。」
新耶路撒冷
9 彼七個天使就是有七塊碗、貯滿路尾七項災禍的，其中一個來及我講話，講：「來，我欲報你看新娘，就是羊羔的某。」
10 我就受神的感動，互伊導去一座山大閣高，將聖城耶路撒冷出佇天裡，對上帝降落的報我看。
11 有上帝的榮光；伊的光親像第一寶貝的石，親像碧玉，光亮親像水晶。
12 有牆大閣高，有十二個門，佇諸個門有十二個天使，也有名寫佇門裡就是以色列子孫十二個支派的名。
13 東勢有三個門，北勢有三個門，南勢有三個門，西勢有三個門。
14 城牆有十二個地基，地基頂有羊羔十二使徒的名十二個。
15 及我講的天使，有金的蘆竹做科尺，欲量彼個城及伊的門伊的牆。
16 城是四方，長闊平平。用蘆竹量城，得著十二千里，長、闊、高攏相同；
17 天使量城牆，得著一百四十四尺，照人的寸尺，就是天使的寸尺。
18 牆用碧玉來起；城是好金的，親像清亮的玻璃。
19 城牆的地基有安逐等號的寶石：頭一個地基是碧玉；第二個是藍玉；第三個是璁玉；第四個是青玉；
20 第五個是紅玉；第六個是瑪瑙；第七個是黃玉；第八個是綠玉；第九個是淺黃玉；第十個是翡翠玉；第十一個是紫色玉；第十二個是赤玉。
21 十二個門是十二粒真珠，諸個門逐個攏是一粒珠做的。城的街路是好金的，親像透底光的玻璃。
22 我無看見城內有殿堂，因為主上帝──全能者及羊羔做伊的殿堂。
23 城無欠用日抑是月來照伊；因為上帝的榮光照伊，羊羔做伊的燈。
24 列邦的人欲倚靠伊的光來行；地上的王欲將𪜶的榮光帶來歸佇伊。
25 城門日時攏無關，因為佇遐欲無暝時。
26 人欲用列邦的榮光及尊貴帶來歸佇伊。
27 凡若無清氣的物，以及行可惡白賊的人，決斷𣍐得入遐；只有記佇羊羔的活命冊的會得入。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。