上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
20
一千年
我閣看見天使對天落來，手裡有深淵的鎖匙及大條鐵鍊。
2 就掠彼尾龍，就是老蛇，也是魔鬼，及撒但，縛伊一千年久，
3 㧒伊落深淵，關密，用印封佇彼頂面，互伊無通閣迷惑列邦。聽候一千年滿，以後的確暫時解放。
4 我閣看見許個座位，也有坐佇彼頂面的，有得著審判的權互𪜶。閣看見許個為著做耶穌的干證，及為著上帝的道來受刣頭的人的靈魂，以及曾拜獸及獸的像，也無受伊的記號佇頭額抑是佇手裡的，諸個攏得著活，來及基督做王一千年。
5 （其餘的死人無活，聽候彼個一千年滿。）這是頭一擺的復活。
6 有份佇此個頭一擺的復活的有福氣啊，是聖啊！第二擺的死管𪜶𣍐著。𪜶欲做上帝及基督的祭司，也欲及伊做王一千年。
拍贏撒但
7 彼個一千年滿，撒但欲受解放出伊的監，
8 就出來迷惑地上四方的列邦，就是各及瑪各，聚集𪜶來交戰。𪜶的數額親像海沙。
9 𪜶就起來遍滿全地，續圍困聖徒的營及得著疼的城，就有火對天降落，來滅𪜶。
10 迷惑𪜶的魔鬼受㧒落火及硫磺的湖，佇遐也有獸及假的先知。𪜶欲暝日受苦楚，代代無盡。
末日的審判
11 我閣看見一個白色大的座位及坐彼頂面的；地及天對伊的面前逃走，無閣有𪜶的位處。
12 我也看見死人，大及細，攏徛佇座位前。諸個冊就掀開，閣有別本冊掀開，就是活命冊。死人就照𪜶的所行，憑諸個冊所記載來受審判。
13 海就交出伊中間的死人；死及陰府也交𪜶中間的死人；逐人就照𪜶的所行受審判。
14 死及陰府也㧒落火湖；此個就是第二擺的死就是火湖。
15 若有人無記名佇活命冊的，也㧒落火湖。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。