上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
9 第五個天使歕，我就看見一粒星已經對天墜落地，有將無底深坑的鎖匙互伊。
2 到伊開無底的深坑，就煙對深坑淐起來，親像大火爐的煙；日及空氣攏因為深坑的煙就暗。
3 有草蜢對彼個煙出來，佇地裡；有權互𪜶，親像地裡的蠍仔蟲有權一樣，
4 閣有給𪜶講，通傷害地的草及一切青的物，及逐樣的樹木，獨獨傷害許個佇頭額無有上帝的印的人。
5 閣命令𪜶通害死𪜶，只有互𪜶痛疼五月日久。𪜶的痛疼親像蠍仔蟲螫人的痛疼一樣。
6 佇許個日，人欲求死，也𣍐得著；愛欲死，也死閃避伊。
7 草蜢的款式，親像備辦出戰的馬，頭殼頂彷彿有冕旒親像金，𪜶的面親像人的面，
8 有頭毛親像婦仁人的頭毛，𪜶的牙親像獅的牙。
9 閣有護心鏡，親像鐵的護心鏡。𪜶的翅的聲，親像多多車馬走去交戰的聲。
10 𪜶有尾親像蠍仔蟲，亦有茦，𪜶的權會傷害人五月日，是佇𪜶的尾。
11 做𪜶的王的就是深坑的差使，希伯來的音，名叫亞巴頓，希利尼的音，名叫亞玻倫。
12 頭一個災禍已經過身，許個代誌以後，猶有二項災禍欲到。
13 第六個天使歕，我就聽見有一個聲對上帝面前的金壇諸個角出來，
14 給彼個攑號頭的第六個天使，講：「縛佇伯拉大河彼四個天使，你著解放𪜶。」
15 彼四個天使受解放；就是所備辦到彼的時日月年，欲害死人三份的一份的。
16 馬兵的數額有二萬萬；𪜶的數額我聽見啦。
17 我佇異象中看見馬及騎馬的親像按呢，𪜶有護心鏡親像火，親像紫色的玉，親像硫磺。馬頭是親像獅的頭，對𪜶的嘴出火及煙及硫磺。
18 對𪜶的嘴所出來的火及煙及硫磺，此三項的災禍人三份的一份抵著害死。
19 許個馬的權在佇𪜶的嘴閣在佇𪜶的尾；因為𪜶的尾是親像蛇，閣有頭用許個傷害人。
20 其餘的人無對諸個災禍死的，猶久無反悔來改𪜶的手所做，猶原拜諸個鬼及𣍐會看、𣍐會聽、𣍐會行，金、銀、銅、石、柴的偶像，
21 閣無反悔來改𪜶的刣人、邪術、淫亂、偷提。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。