上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
7
以色列人十四萬四千受蓋印
諸個代誌了後，我看見四個天使徛佇地的四角頭，執掌地的四面風，互伊無吹佇地，佇海及一概的樹。
2 閣看見別個天使，對日出的所在上來，提真活上帝的印。對許個得著權來傷害地及海，四個天使大聲叫講：
3 「地及海及樹，恁莫得傷害，聽候阮蓋印佇咱的上帝的奴僕的頭額。」
4 我就聽見受蓋印者的數額，以色列的子孫眾支派的中間受蓋印的共有十四萬四千。
5 屬猶大的支派受蓋印的一萬二千；屬流便的支派一萬二千；屬迦得的支派一萬二千；
6 屬亞設的支派一萬二千；屬拉大利的支派一萬二千；屬瑪拿西的支派一萬二千；
7 屬西緬的支派一萬二千；屬利未的支派一萬二千；屬以薩迦的支派一萬二千；
8 屬西布倫的支派一萬二千；屬約瑟的支派一萬二千；屬便雅憫的支派受蓋印的一萬二千。
大陣人對逐國逐族來
9 諸個代誌了後，我看見，有歸大陣的人，無人會算伊的數額，出佇逐國、逐族、逐號百姓、逐樣腔口的，徛佇座位的面前，穿白衫，手攑棕樹枝，
10 大聲叫講：「願拯救歸佇咱的上帝，就是坐座位的及佇羊羔！」
11 眾天使徛佇座位及長老及四個活物的周圍，面仆佇座位前，敬拜上帝，
12 講：
阿們！願謳咾、榮光、智慧、
感謝、尊貴、權能、氣力
歸佇咱的上帝，
到代代無盡。阿們！
13 長老的中間有一個應我講：「諸個穿白衫的是是誰？對叨落來啊？」
14 我給伊講：「我的主啊，你知。」伊給我講：「諸個是對彼個大的患難出來的，曾佇羊羔的血洗𪜶的衫到白白。
15 所以，𪜶佇上帝的座位前，閣佇伊的殿暝日服事伊。坐佇座位的欲徛起佇𪜶的中間來致蔭𪜶。
16 𪜶無閣枵，也無閣嘴乾，日及一切的熱𣍐煏著𪜶。
17 因為座位中的羊羔欲做𪜶的牧者，導𪜶到活的水泉；閣上帝欲對𪜶的目睭拭去𪜶攏總的目屎。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。