上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
3
互撒狄教會的批
「你著寫批互佇撒狄的教會的使者，講：『有上帝的七個神及七粒星的，伊的話講：我知你的所做，你名是活，實是死。
2 你著警醒，堅固許個其餘啲欲死的事；因為我看見你的行做，佇我上帝的面前，無一項完全。
3 所以你著記得你有怎樣受、怎樣聽，閣著執守，亦著反悔。設使警醒，我欲親像賊來，你知我甚麼時欲來到佇你。
4 總是佇撒狄，你猶有幾若名未曾拍垃墋𪜶的衫，𪜶欲穿白衫及我四界行，因為𪜶是會堪得的。
5 得勝的人亦欲按呢穿白衫，伊的名佇活命的冊，我決斷無擦起來；是欲認伊的名佇我的父的面前，以及伊許個天使的面前。
6 有耳孔的，著聽聖神給諸個教會所講的。』」
互非拉鐵非教會的批
7 「你著寫批互佇非拉鐵非的教會的使者，講：『是聖、是真、有大衛的鎖匙、開就無人會關、關就無人會開的，伊的話講：
8 我知你的所做，你看，我佇你的面前已經有給你開門，是無人會關的。因為你有淡薄氣力，已經守我的道理，未曾認我的名。
9 撒但的會，家己講是猶太人，其實是，是講白賊的，我欲賞賜你互𪜶來仆佇你的腳前，閣互𪜶知我已經疼你。
10 因為你已經守我吞愞的道理，我亦欲守你脫離彼個試煉的時，此個時欲到佇天下，來試煉攏總徛起佇地上的人。
11 我緊緊到，你所有的著持守伊，免得有人搶你的冕旒。
12 得勝的人，我欲互伊做柱佇我上帝的殿內，決斷無閣出去外面。我亦欲將我上帝的名以及我上帝的城（新的耶路撒冷對天、對我的上帝降落者的名），閣用我新的名，攏寫佇伊的頂面。
13 有耳孔的，著聽聖神給諸個教會所講的。』」
互老底嘉教會的批
14 「你著寫批互佇老底嘉的教會的使者，講：『做阿們，做忠信真實的干證，做上帝造化的源頭的，伊的話講：
15 我知你的所做，你是無冷無熱；我願你或是冷或是熱。
16 你既然是略溫燒，成熱成冷，我欲吐你出我的嘴。
17 因為你家己講：我是好額，已經發財，攏無欠缺；也知你是困苦、可憐、喪鄉、睛瞑、褪裼。
18 我替你想著對我買過火鍛煉的金，通得著好額；閣買白衫通穿，互你無露現褪裼的見誚；閣買藥膏來抹你的目睭，互你會看見。
19 見若我所疼的人，我責備來警戒伊；所以著奮志來反悔。
20 我徛佇門外拍門，聽見我的聲來開的人，我欲入去就近伊，來及伊食，伊亦及我食。
21 得勝的人，我欲互伊及我同坐佇我的座位，親像我得勝，來及我的父同坐佇伊的座位一樣。
22 有耳孔的，著聽聖神給諸個教會所講的。』」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。