上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰一書
2
咱的保惠師耶穌
我的細子啊，我寫諸個互恁，是欲互恁無犯罪。若有人犯罪，就佇父的面前咱有保惠師，就是義人耶穌基督。
2 伊為著咱的罪做挽回的祭，閣若為著咱的罪，也是為著通世間。
3 咱若守伊的命令，對按呢就知咱識伊。
4 人若講「我識伊」，也無守伊的命令，是白賊的人，真理也無𫢶佇伊。
5 見若守伊的道理的，就上帝的疼佇伊真正有齊全。對按呢，咱知咱𫢶佇伊。
6 人若家己講𫢶佇伊，就著照伊所行的去行。
新的命令
7 所疼的兄弟啊，我無寫新的命令互恁，就是恁對起頭所有舊的命令；彼個舊的命令就是恁所曾聽見的道理。
8 又閣，我寫新的命令互恁，此個代誌佇伊是真，佇恁也是真；因為黑暗啲過，真光已經啲照。
9 人若講家己𫢶佇光明，也怨恨伊的兄弟，就伊到今是𫢶佇黑暗。
10 人若疼伊的兄弟，伊是徛起佇光，也佇伊無跋倒的因由。
11 獨獨人若怨恨伊的兄弟，伊是𫢶佇暗，閣行佇暗，也知所去的，因為此個暗互伊的目睭睛瞑。
12 細子啊，我寫批互恁，
因為恁的罪為著伊的名已經赦免。
13 老大啊，我寫互恁，
因為恁識彼個對起頭就有的。
少年人啊，我寫互恁，
因為恁已經卡贏彼個歹者。
細子啊，我曾寫互恁，
因為恁識父。
14 老大啊，我曾寫互恁，
因為恁識彼個對起頭就有的。
少年人啊，我曾寫互恁；
因為恁勇健，
也上帝的道理𫢶佇恁；
也恁已經卡贏彼個歹者。
15 莫得疼此世間以及世間的物。人若疼此世間，就父的疼無𫢶佇伊。
16 因為，見若佇世間的，肉體的私慾，及目睭的私慾，及人生的驕傲，是對父，是對世間。
17 閣世間及伊的私慾啲過去，獨獨行上帝的旨意的，永遠佇啲。
對敵基督者
18 細子啊，這是路尾的時。親像恁曾聽見，有彼個對敵基督的來；現今有出多多對敵基督的，對按呢咱知是路尾的時。
19 𪜶對咱出去，獨獨是屬咱的；因為若是屬咱的，就會長長及咱𫢶；𪜶出去，是欲顯明𪜶攏是屬咱的。
20 閣恁對聖者受抹油，續知一切的代誌。
21 我批寫互恁，是是因為恁識真理。因為恁識伊，也因為一切的白賊攏是對真理。
22 白賊的是是誰？豈是無認耶穌做基督的嗎？無認父及子的，此個就是彼個對敵基督的。
23 見若無認子的，也無有父；認子的，也有父。
24 恁對起頭所聽見的，著互伊長長𫢶佇恁。若是對起頭所聽的𫢶佇恁，就恁也欲𫢶佇子及父。
25 此個也是伊所應允咱的應允，就是永活。
26 我寫諸個互恁，是論許個迷惑恁的。
27 恁對伊所受的抹油長長𫢶佇恁，也免人教恁，獨獨因為伊的抹油教示恁萬項事。也是真實，是白賊；也照伊曾教示恁的，恁長長𫢶佇伊。
上帝的子兒
28 今，細子啊，恁著長長𫢶佇伊。按呢，伊若顯現，才互咱佇伊閣臨到的時會好膽；也佇伊的面前無見誚。
29 恁若知伊是公義，就知見若行義的人也是伊生的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。