上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
雅各書
5
警告富人
今，恁富人，著為著欲到佇恁的苦難，來啼哭、喉叫。
2 恁的錢財已經敗壞，恁的衣裳著蛀蟲。
3 恁的金銀生銹；彼個銹欲做干證來攻擊恁，也欲食恁的肉，親像火燒。恁佇諸個路尾日已經積聚財寶。
4 你看，收割恁的園者的工錢，恁所互𪜶來剋虧人的，有聲啲喉叫，閣收割的人諸個哀怨的聲透入萬軍的主的耳孔。
5 恁佇地上曾宴樂、奢侈，養恁的心佇殺戮的日。
6 彼個義人恁曾定伊的罪，來刣死伊，伊也無抵敵恁。
吞愞及祈禱
7 兄弟啊，所以恁著常常吞愞，到佇主的降落。你看，作穡人聽候地上寶貝的土產，常常吞愞啲聽候伊到得著秋霖春雨。
8 恁也著常常吞愞，堅固恁的心，因為主的降臨近啦。
9 兄弟啊，莫得相怨妒，免得恁受審判。你看，審判司已經徛佇門口。
10 兄弟啊，許個託主的名來講的先知，恁著取𪜶做受患難吞愞的模樣。
11 許個曾吞愞的人，咱講𪜶有福氣。恁曾聽見約伯的吞愞，閣看主到尾怎樣，就是主滿腹的慈悲及憐憫。
12 獨獨我的兄弟啊，第一要緊，莫得咒誓；莫得指天，抑是地，抑是別項物來咒誓。恁的，是，著做是；是，做是，免得恁抵著擬罪。
13 恁中間有人受苦嗎？伊著祈禱；有人歡喜無？伊著吟詩。
14 有人破病無？伊著叫教會的長老；佇主的名用油抹伊，近倚伊來祈禱。
15 有信的祈禱欲救破病的人，主欲互伊起來；伊若有罪，欲赦免伊。
16 恁著相對認罪，相替祈禱，通得著醫好。義人的祈禱，伊的力量有大功效。
17 以利亞是及咱同情的人，伊切切求，莫得落雨，就無落雨佇地裡歷過三年閣六月日。
18 伊閣祈禱，天就落雨，地就出土產。
19 我的兄弟啊，恁中間若有失迷真理的，有人互伊越轉，
20 通知互一個罪人對迷路倒轉的，會救伊的靈魂出死，閣會遮蓋多多罪過。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。