上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
雅各書
3
論舌
我的兄弟啊，通多多人做先生，因為知咱欲受卡重的審判。
2 因為咱眾人佇多多項跋倒；佇講話無跋倒的，就是做完全的人，也會約束伊通身軀。
3 咱下馬咬韁佇馬的嘴，互𪜶順趁咱，就管轄𪜶通身軀。
4 閣你看，許個船雖然許大隻，互大風掃伊，猶原是用細細的舵，互伊轉越照舵公的意思所愛。
5 按呢，舌是細細的體，猶久講大話。
你看，小可的火燒樹木偌多啊！
6 舌就是火，佇咱百體中做不義的世界，拍垃墋通身軀，一生的行動對伊發火，伊家己的火是對地獄發。
7 因為逐類的走獸、飛鳥、蟲𧒴、水族，攏受制壓，也已經互人類制壓；
8 獨獨舌無人會制壓，是無停歇的歹物，有死的毒滿滿。
9 咱用伊謳咾主、就是父，閣用伊咒詛人，就是照上帝的款式來創造者。
10 謳咾及咒詛像一個嘴出。我的兄弟啊，這是應該！
11 水泉豈會對像一孔流出甜的苦的嗎？
12 我的兄弟啊，無花果樹會生橄欖嗎？抑是葡萄樹會生無花果嗎？按呢對鹹的流出飷的也𣍐會。
論對頂面來的智慧
13 恁中間是誰有智慧見識的啊？就著用智慧的溫柔，對好的品行來顯明伊的所行。
14 恁心內若囥惡毒的怨妒及相爭，就莫得誇口，莫得白賊來逆真理。
15 此號智慧是對頂面來的，是屬佇罪，屬佇血氣，屬鬼的款。
16 因為佇甚麼所在有怨妒及相爭，就佇遐有擾亂及一切的歹事。
17 獨獨對頂面的智慧，一是清潔，猶的是和平，溫柔好商量，有憐憫及好的果子滿滿，無偏袒，無假好。
18 閣義的果子是在佇和平，給行和平的人來種。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。