上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
雅各書
2
警告偏私
我的兄弟啊，恁守咱的主耶穌基督榮光的主的信，通用外貌取人。
2 若有人掛金手指，穿媠衫，入恁的會堂；也有喪鄉人穿破爛的衫平平入；
3 恁就看穿媠衫的，給伊講：「你坐此個頂位」；也給喪鄉者講：「你徛彼位」，抑是「坐我的腳踏椅下」。
4 這豈是心內有增差，用歹念頭來分別嗎？
5 我所疼的兄弟，著聽啊，上帝豈是揀世間喪鄉的，互𪜶佇信做好額，來承接伊所應允欲互疼伊的人的國嗎？
6 若是恁就凌辱喪鄉人。富人豈是脅制恁，家己拖恁到審判廳？
7 豈是謗瀆恁所互人叫尊貴的名嗎？
8 照聖經所記載：「著疼厝邊親像家己。」恁若守此個至好的法到盡，才是好。
9 獨獨恁若用外貌取人，就犯罪，互律法定做犯法的。
10 因為見若全守律法，也對一條跋倒，就是犯著眾條。
11 因為講「莫得姦淫」的，也講「莫得刣人」；若恁無姦淫，也有刣人，是做犯著律法的人。
12 恁既然欲照互人自由的律法受審判，就著照按呢講照按呢行。
13 因為人無憐憫人，當審判也無得著憐憫；憐憫贏過審判來誇口。
信心及行為
14 我的兄弟啊，人講有信，也無行，有甚麼利益？此號信會救伊嗎？
15 若有兄弟抑是姊妹，無通穿，無通食；
16 恁中間有人給𪜶講：「通安然去！願恁穿燒、食飽」；也竟然無用身軀所欠用的互𪜶，有甚麼利益？
17 按呢，信若無行就家己是死。
18 欲有人講：「你有信，我有行；你無用行著互我看你的信，我就對我的行，互你看我的信。」
19 你信上帝只有一個，這是好；許個鬼也信，來愕愕惙。
20 謊譀的人啊，無有行的信就是空空，你愛知嗎？
21 咱的祖亞伯拉罕獻伊的子以撒佇壇頂，豈是對所行來得著稱做義嗎？
22 可見信及伊的行平平進行，閣信對行來得著完全。
23 就應驗聖經所講：「亞伯拉罕信上帝，就給伊算做義。」伊閣得著稱做上帝的朋友。
24 對按呢看，人得著稱做義是對所行，是干單對信。
25 娼妓喇合接納使者，互𪜶對別條路出，豈是猶原對所行來得著稱做義？
26 因為親像身軀若無神就是死，信無行也是死。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。