上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
希伯來書
12
主的警戒
已經有做干證的到許多，親像雲圍咱，就著放下逐號的重擔，及快快纏絆咱的罪，用吞愞，來走所安排佇咱頭前的路站，
2 著注神看耶穌，就是做信的源頭及成尾者。伊為著所安排佇伊頭前的快樂，就無要緊凌辱，忍受十字架，今坐佇上帝寶座的大旁。
3 伊吞愞歹人親像按呢橫逆伊，恁著想伊，免得恁的心失志來厭倦。
4 恁及罪惡相對敵，猶未曾抵當到流血。
5 閣恁𣍐記得彼個用理氣勸恁親像勸子的話，講：
我的子啊，主的警戒莫得看輕，
互伊責備莫得失志；
6 因為主所疼的，就警戒伊，
閣凡所接納的，子就用鞭拍伊。
7 恁啲吞愞，是做警戒的路用，上帝款待恁親像子。豈可有子無互老父警戒啊？
8 眾子所有份的警戒，恁若無受著。就是偷生者，是子。
9 閣咱曾有肉體的父警戒咱，咱尚且敬畏伊，何況咱的神的父，豈閣卡著降服伊來得著活嗎？
10 因為許個是暫時出在家己的意思來警戒咱；獨獨此個是為著咱的利益，互咱有份佇伊的聖潔。
11 見若警戒的事，佇當時照看是歡喜，是憂悶；若是後來就佇許個對警戒來練達的人結平安的果子，就是義的果子。
12 所以，腳酸、手軟的，恁著互伊勇健；
13 為著恁的腳，備辦直直的路，免得跛腳的人歪斜，反轉互伊得著醫好。
警戒棄拺上帝恩典的人
14 著致意及眾人和睦，以及成聖；因為若是聖無人會見著主。
15 亦著謹慎，驚了有人失落上帝的恩；驚了有苦的根發生來攪擾恁，致到多多人染垃墋；
16 驚了有淫亂的，抑是沈溺世情的，親像以掃，伊因為一頓食賣大子的業。
17 因為恁知伊後來愛承接祝福的時，有抵著棄拺，因為伊尋無反悔的地步，雖然流目屎迫切求，亦𣍐得著。
18 今恁所到的是會摸得；有火焰的山、及密雲、黑暗、大風、
19 號頭的音、言語的聲。聽見的人，求莫得閣及𪜶講；
20 因為所命令的，𪜶當𣍐住，是講：「就若走獸倚著山，也著用石頭擲死。」
21 閣所看見極其通驚，致到摩西講：「我不止驚到愕愕惙。」
22 獨獨恁所到的就是郇山，真活上帝的城，天頂的耶路撒冷。萬萬的天使，
23 許個有名記佇天裡的大子的聚會及公會，審判眾人的上帝得著齊全的義人的靈魂，
24 新約的中保耶穌，及所灑的血；此個血所講的比亞伯卡好。
25 謹慎，莫得拒絕對恁講的。因為，佇地裡來傳命令的，若拒絕伊，尚且𣍐會逃閃，何況咱違背對天傳命令的啊？
26 當時伊的聲互地振動，若是今有應允講：「猶有一擺我若互地搖泏，亦欲互天搖泏。」
27 所講猶有一擺，是指明受振動的物，就是受造的物欲抵著遷徙，互許個無受振動的長長佇啲。
28 所以咱得著𣍐會振動的國，著有恩惠，通用虔誠、敬畏來服事，互上帝歡喜。
29 因為咱的上帝就是炎炎的火。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。