上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
希伯來書
10 因為律法既然有將來好事的影，無許個物的真形，永永𣍐會用逐年常常啲獻相同的祭，互親近的人得著完全。
2 若是會，就獻祭的事豈無停息嗎？因為服事的人，一下清氣，就良心無閣知有罪。
3 若是對諸個祭物是互人逐年記得罪；
4 因為牛羊的血，𣍐會除去罪。
5 所以伊來入世間，就講：
祭祀禮物你愛；
你曾給我備辦身軀。
6 燒祭及贖罪祭你無歡喜。
7 彼時我講：你看，我來啦，
我的事記載佇冊裡，
上帝，我來是欲行你的旨意。
8 頂面已經講：「祭祀及禮物，燒祭及贖罪祭，你愛，亦無歡喜（諸個是照律法來獻的）」；
9 後來講：「你看，我來是欲行你的旨意」；伊是除去代先的，欲設立隨後的。
10 佇此個旨意，對耶穌基督一擺獻身軀，咱得著成聖。
11 閣見若祭司逐日徛啲來服事，沓沓獻許個相同的祭，就是永永𣍐會除去罪的。
12 獨獨基督既然獻一個祭到佇永遠，就坐佇上帝的大旁。
13 以後，聽候伊諸個對敵下做伊的腳踏椅。
14 因為伊用一擺獻祭，互諸個成聖的人永遠做完全。
15 聖神給咱做干證；因為伊已經有講：
16 主講：諸個日了後，
我及𪜶所欲立的約是此個：
我欲將我的律法下佇𪜶的心，
刻佇𪜶的頭腦。
17 後來就講：
𪜶的罪惡，𪜶的不法，決斷無閣記念。
18 諸個既然赦免，就無閣為著罪獻祭。
勸勉及警戒
19 所以兄弟啊，咱佇耶穌的血既然得著好膽入聖所，
20 對伊所給咱開新及活的路，按帳簾經過的，此個帳簾就是伊的身體。
21 閣既然有大祭司治理上帝的家，
22 咱著用真實的心，充滿的信，心已經受灑免互良心責備，身軀亦已經受清水洗，來親近上帝；
23 咱所向望的已經有承認，今著堅固此個，承認無搖動，因為彼個應允咱的是信實。
24 閣著大家相眷顧，來激起仁愛，及行好。
25 通放息恁的聚會，親像有人慣勢按呢，就是著相勸勉，既然看見彼日近，閣卡著按呢。
26 因為咱已經得著真知真理，後來若甘心啲犯罪，就無閣有贖罪的祭；
27 獨獨驚惶來聽候審判及欲吞滅對敵的熱火。
28 棄絕摩西的律法的，有二三人做干證，就互伊死無憐憫，
29 何況𧿬踏上帝的子，將互本身成聖的約的血做俗物，閣侮慢施恩的聖神，恁想，彼號人應該受的刑罰著加偌重啊！
30 因為咱知是誰有講：「伸冤在我，我欲報應」；閣講：「主欲審判伊的百姓。」
31 陷落佇真活上帝的手，真通驚啊！
32 恁著記得前得著光照了後，忍受患難的大交戰許個日：
33 或是受詈罵、艱苦，互人變弄做戲齣；抑是人受此號的艱苦，恁亦及伊有份。
34 因為人佇鎖鍊的中間，恁曾體貼伊，人搶恁的業，恁歡喜忍受，知家己有閣卡好久長佇啲的業。
35 所以，莫得棄拺恁好膽的心；因為這有大報賞。
36 恁要緊著吞愞，互恁已經行上帝的旨意，後來通受所應允的。
37 因為閣霎仔久若定，
彼個啲來的欲到，伊無欲延迁；
38 若是我的義人欲對信來活。
設使伊勼狹，我的心無歡喜伊。
39 總是咱是勼狹致到沈倫的，是有信致到靈魂得救的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。