上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
希伯來書
7
麥基洗德祭司的班列
因為此個麥基洗德就是撒冷王，也是至高上帝的祭司。早抵著亞伯拉罕刣贏諸個王倒來的時，給伊祝福的。
2 亞伯拉罕亦將一切所得著的，抽十份一互伊。伊的名翻譯就是義的王，閣是撒冷王，就是平安王。
3 伊無父，無母，無世系，無時日的起頭，無活命的路尾，是親像上帝的子久長啲做祭司。
4 試想，先祖亞伯拉罕將所得著上等的物抽十份一互伊，就彼人尊貴到怎樣！
5 今利未的子孫擔當祭司的職的，雖然及百姓攏是亞伯拉罕的後裔，平平是兄弟，猶久奉命令，照律法對百姓提十份一。
6 總是彼個，無屬利未的世系的，曾對亞伯拉罕提十份一，閣給得著諸個應允的祝福。
7 獨獨序細互序大祝福，這是無通辯駁。
8 今佇遮提十份一的攏是會死的人；若是佇遐是彼個有受干證講，伊是活的；
9 閣也會講得連提十份一的利未，也曾在佇亞伯拉罕來納十份一。
10 因為麥基洗德抵著亞伯拉罕的時，利未猶久佇𪜶祖的身軀。
11 早百姓受律法是佇利未族祭司的職任下，若對伊會得著完全，就乜使另外閣興起一個祭司，照麥基洗德的班列，無講照亞倫的班列啊？
12 因為祭司的職已經改換，就律法亦的確著改換。
13 因為諸個話所指的是屬佇別個支派，𪜶中間未曾有人跟隨佇祭壇。
14 是咱的主明明對猶大出；論此個支派，摩西未曾提起祭司的職。
15 閣若照麥基洗德的款式，有興起別個祭司。
16 是照肉體誡命的法來設立，是照𣍐毀壞的活命的權能，就頂面所講的理嶄然卡明。
17 因為有干證伊講：「你永永做祭司照麥基洗德的班列。」
18 因為前的誡命，廢無，是為著伊的軟弱及無利益，
19 （因為律法無做一項到完全）才設立閣卡好的向望；就是咱所對伊來親近上帝的。
20 閣因為伊是無對咒誓來設立。
21 𪜶許個立做祭司，無對咒誓，獨獨此個就對咒誓；因為設立伊的有給伊講：「主咒誓，無退悔，你永永做祭司。」
22 親像按呢，耶穌做閣卡好的約的保認。
23 許個做祭司的，因為互死阻隔，𣍐會久長，所以著真多人。
24 獨獨此個因為永永佇啲，有𣍐改換的祭司職。
25 所以凡若對伊就近上帝的人，伊會救𪜶到完全；因為伊長長活，來替𪜶祈求。
26 因為此號的祭司頭合咱的欠用，伊是聖、無歹、無垃墋、離開罪人，成做卡高諸個天。
27 伊免親像許個祭司頭，著日日代先為著家己的罪，後來為著百姓的罪，來獻祭；因為伊獻本身，就做一下成此個事。
28 因為律法設立軟茈的人做祭司頭；獨獨律法後咒誓的話，設立子永遠做完全的祭司頭。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。