上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
希伯來書
6 所以，基督道理的初學，咱且放下啲，來致意進步到完全，免閣下地基，就是反悔來脫離諸個死死的所行，及信上帝、
2 諸個洗的禮數，以及按手、死人復活，及永遠的審判諸個教訓。
3 上帝若准，阮就欲按呢行。
4 因為人已經曾得著光照、受著天裡的恩賜，有份佇聖神，
5 閣受著上帝的好話、及啲來的世界諸個權能，
6 後來背叛，就𣍐會互𪜶閣換新來反悔。因為𪜶家己閣釘上帝的子佇十字架，來顯明凌辱伊。
7 因為土地，食著沓沓落的雨水，來生菜蔬，合作穡人的路用，就得著上帝賜福；
8 若是生草茦及蒺藜，就受棄拺，近佇受咒詛，伊的結局就是燒燎去。
9 所疼的兄弟啊！阮雖罔按呢講，若是深信恁逐項卡贏這，閣屬佇得救。
10 因為上帝是無公道，來𣍐記得恁的工，及恁為著伊的名所顯明的仁愛，因為恁平素服事諸個聖徒，到今亦服事𪜶。
11 我愛恁逐人猶原顯出此號的殷勤，互恁的向望滿足，到路尾。
12 互恁無致到貧憚，就是學許個對信及吞愞來承接諸個應允的人。
上帝確實的應允
13 今上帝應允亞伯拉罕的時，因為無卡大的通指來咒誓，就指本身來咒誓，講：
14 「我賜福，欲賜福你；加添欲加添你的後裔。」
15 親像按呢，亞伯拉罕𠢕吞愞，就得著所應允的。
16 因為人是指卡大的來咒誓，亦用咒誓做相爭的結尾，來決定伊。
17 按呢，上帝愛欲格外顯明伊的旨意𣍐移易，互許個承接應允的人知，才用咒誓來做證見。
18 欲對二項𣍐移易的事，上帝所𣍐會白賊的，互咱有大大的安慰，就是咱已經逃避來擒所下佇頭前的向望。
19 咱為此個向望，親像靈魂的碇，拋佇帳簾內，堅固無移徙。
20 耶穌做先鋒，已經為著咱入去遐，成做永遠的祭司長，照麥基洗德的班列。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。