上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提多書
1
請安
上帝的奴僕，耶穌基督的使徒保羅，為著上帝揀選的百姓的信及欲互𪜶識敬虔的真理，
2 佇永遠活的向望，就是無白賊的上帝佇永世代的代先所應允的，
3 若是到期，就顯明伊的道理；就是照咱的救主上帝的命令所交託我傳的。
4 批寄互提多，就是照相及有的信做我真的子的。願你對父上帝及咱的救主基督耶穌得著恩典、平安！
提多佇革哩底的工作
5 我留你佇革哩底的緣故，就是愛你將許個辦未明白的事攏辦到整齊，閣照我所吩咐你的，佇逐個城設立長老。
6 若有人無通嫌，做一個婦仁人的丈夫，子兒有信，無人告𪜶放蕩不法的，才通。
7 因為監督著無通嫌，親像上帝的管家，無自恃，無快受氣，無因為食酒來起事，無愛拍人，無貪不義的錢；
8 著好款待出外人，愛好，守己，公義，聖潔，節制；
9 堅固守彼個照正教真實的道理，互伊會用端正的教示來勸勉人，閣會辯倒許個駁問的人。
10 因為有多多順服的人，就是講浮漂的話欺騙人的；屬割禮的人閣卡是按呢。
11 此號人的嘴著給伊塞密。𪜶為著不義的財利，教示所應該教示的，來敗壞人的全家。
12 𪜶中間一人，就是𪜶彼族的先知有講：「革哩底人常常講白賊，做歹獸，貪食閣貧憚。」
13 此個干證是真實。所以，你著嚴嚴責備𪜶，互𪜶對信會純全，
14 無愛聽猶太人的無影話及悖謬真理的人的誡命。
15 在清氣的人，萬物攏是清氣；在許個污穢無信的人，無一項物清氣，連𪜶的心志及良心亦攏污穢。
16 𪜶家己承認做識上帝的，若是佇𪜶的所行就認伊；𪜶是可惡的，悖逆的，佇一切的好事做不中用的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。