上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太後書
1
請安
對上帝的旨意，照佇基督耶穌活命的應允，做基督耶穌的使徒保羅，
2 批寄互我所疼的子提摩太。願你對父上帝及咱的主基督耶穌得著恩典、憐憫、平安！
忠心佇福音
3 我感謝上帝，就是我續接列祖用清氣的良心所服事的。佇祈禱的時，我數念你無息，
4 記得你的流目屎，暝日欣慕見著你，互我滿心歡喜。
5 念著你心內無假的信，此個信是代先𫢶佇你的外媽羅以及你的老母友妮基，我深信此個信也是𫢶佇你。
6 為著此個緣故我點醒你，愛你將上帝對我的按手所互你的恩賜閣奮志，親像互火閣炎一樣。
7 因為上帝所賞賜咱的，是驚惶的心神，就是權能、仁愛、守己的心神。
8 所以給咱的主做干證莫得掠做見誚，也莫得掠我做主的囚犯來見誚；著照上帝的權能，為著福音相及受苦。
9 伊救咱，用聖的召召咱，是照咱的行做，是照伊家己的旨意及恩典；此個恩典就是永世代的代先，佇基督耶穌賞賜咱的，
10 若是現今對咱的救主基督耶穌的顯現來表明的。伊已經廢無死，閣對福音，互活命及𣍐敗壞的攏顯明。
11 我為著此個受設立做宣傳的，做使徒，做教師。
12 為著此個緣故，我也受諸個艱苦。若是我無掠做見誚；因為我識我所信的，也深信伊會保守我所交託伊的，到佇彼日。
13 你對我所聽見許個端正的話的模樣，著用佇基督耶穌的信及仁愛，來執守伊。
14 所交託你的好事，你著倚靠𫢶佇咱的聖神來顧守伊。
15 凡若佇亞西亞的人已經背我，這是你所知，其中有腓吉路、黑摩其尼。
16 願主憐憫阿尼色弗的家；因為伊沓沓補我的精神，也無掠我掛鐵鍊做見誚，
17 伊佇羅馬的時，殷勤尋我到見著。
18 願主互伊佇彼日對主來得著憐憫。也伊佇以弗所用偌多項服事我，你也明明知。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。