上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
9
亞倫獻祭
到第八日，摩西召亞倫及伊的子，以及以色列許個長老來，
2 對亞倫講：「你著取一隻細隻牛牨仔做贖罪祭，一隻綿羊牨做燒祭，著無瑕疵的，獻佇耶和華的面前。
3 你也著吩咐以色列人講：『恁著取一隻山羊牨做贖罪祭，閣取一隻牛仔子及一隻綿羊仔，攏著未滿年、閣著無瑕疵的，做燒祭，
4 閣取一隻牛牨，一隻綿羊牨做謝恩祭，獻佇耶和華的面前，及取調和油的素祭，因為今仔日耶和華欲顯現互恁看。』
5 𪜶就照摩西所命令的，帶到會幕前；會眾攏近倚來，徛佇耶和華的面前。
6 摩西講：「這是耶和華命令恁所著行的；耶和華的榮光就欲顯現互恁看。」
7 摩西對亞倫講：「你著到壇前，獻你的贖罪祭及你的燒祭，為本身及百姓贖罪，閣獻百姓的禮物，替𪜶贖罪；攏照耶和華所命令的。」
8 亞倫就到壇前，刣彼隻牛仔子為本身做贖罪祭的。
9 亞倫諸個子捧彼個血互伊，伊就用指頭仔搵血，抹佇壇頂許個角，閣用血倒佇壇腳裡。
10 獨獨贖罪祭的油及腰子，及肝裡的網紗，伊攏燒佇壇頂，照耶和華所命令摩西的；
11 伊閣用火將肉及皮燒佇營外。
12 就刣燒祭的精牲，亞倫諸個子捧血互伊，伊就灑佇壇頂的周圍，
13 𪜶閣用燒祭的肉一塊一塊連頭提互伊，伊攏燒佇壇頂；
14 伊閣洗臟腑及腿，燒佇壇頂燒祭的頂面。
15 伊帶百姓的禮物，將彼隻做百姓贖罪祭的山羊牨刣伊，為著罪來獻，及起頭的同一樣；
16 也帶燒祭，照例來獻。
17 伊閣帶素祭，對彼中間搣一把，這是佇早起時的燒祭以外。
18 閣刣牛牨及綿羊牨做百姓的謝恩祭。亞倫諸個子捧血互伊，伊就灑佇壇頂的周圍；
19 閣提牛牨的油及綿羊牨肥的尾，以及蓋臟腑的油及腰子，及肝裡的網紗；
20 𪜶將諸個油下佇許個胸的頂面，伊就將油燒佇壇頂。
21 諸個胸及正腿，亞倫用伊做搖祭，佇耶和華的面前搖伊；攏是照摩西所命令的。
22 亞倫向百姓攑起手，給𪜶祝福。伊已經獻贖罪祭、燒祭、謝恩祭就落來。
23 摩西、亞倫進入會幕，閣出來給百姓祝福，耶和華的榮光就顯現互眾百姓看見。
24 有火對耶和華的面前出來，燒壇頂的燒祭及油；眾百姓看見，就出大歡喜的聲，仆佇地裡。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。