上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太前書
4
預言有人離開真道
若是聖神明明講，佇後來的時期，欲有人悖謬信，意向許個迷惑人的神及鬼的教示。
2 對白賊人的假好；𪜶的良心親像互熱的鐵灸著。
3 禁止嫁娶，禁戒食物，就是上帝所創造，互信來明白真理的人用祝謝來享受的。
4 因為上帝所創造的物攏是好，若祝謝來領受伊，就無一項通棄拺，
5 因為對上帝的話及祈禱就成聖。
基督耶穌的好執事
6 若將諸個事點醒兄弟，就你欲做基督耶穌好的差用，用信道的話及你所順趁好的教示的話來得著培養。
7 著棄拺粗俗的話及老婦仁人的冇古，著家己練習到佇敬虔。
8 因為「練習身軀，彼個利益是小可；若是敬虔，就凡事有利益，因為有現時及將來活命的應允。」
9 此句話是通信，通齊全接納的。
10 因為咱著磨出力，是為著此個，因為咱的向望在佇真活的上帝；伊是眾人的救主，佇諸個信的人閣卡是。
11 諸個事，你著命令來教示。
12 莫得因為你的少年，互人看輕，著佇講話、佇行做、佇仁愛、佇信、佇清氣，做信的人的模樣。
13 著致意讀冊、勸勉、教示，到佇我來。
14 你心內的恩賜，對先知的話及長老會按手來互你的，你通忽略。
15 你著致意專心佇諸個事，互你的進步顯明佇眾人。
16 著謹慎你本身以及你的教示，常常關心佇諸個事；因為按呢行，就欲救你本身，及聽你的人。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。