上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
腓立比書
3
真正的義
我的兄弟啊，結尾來講，恁著𫢶佇主歡喜。我閣寫諸個話互恁，在我𣍐費氣，在恁是妥當。
2 著持防諸個歹狗，持防諸個做歹的，持防諸個受傷割的。
3 因為咱用上帝的神來服事，𫢶佇基督耶穌來誇口、無倚靠肉體的，才是受割禮的。
4 雖是按呢，我也有通倚靠肉體；若別人掠做有通倚靠肉體，我就閣卡有。
5 我第八日受割禮；是以色列族的人、便雅憫的支派，是希伯來人所生的希伯來人。照律法，就是法利賽人；
6 照熱心，就是窘逐教會；照佇律法的義，就是無縫通嫌。
7 若是平素做我的利益的，我為著基督已經看伊做損害。
8 若按呢，我真正看萬事做損害，因為我掠識我的主基督耶穌做第一好。我為著伊曾損失一切，也看做糞埽，是愛得著基督；
9 來長長𫢶佇伊，是有家己的義出佇律法的，就是有對信基督的義，上帝為著信所賞賜的，
10 互我識伊，及伊復活的權能，以及有份伊的受苦，來學伊的死，
11 看會得通到佇彼個對死人中的復活。
向所插的標來走
12 是講我已經得著，抑是已經完全；獨獨走進前，看會通得著基督耶穌的所以得著我的。
13 兄弟啊，我無掠家己做已經得著，獨獨專務一項，就是𣍐記得後面的事，致意頭前的事，
14 向所插的標來走，到得著上帝佇基督耶穌對頂面召咱的賞。
15 所以咱見若做完全的著存此個心志；若佇甚麼事恁存別樣的心志，上帝也欲用此個指示恁。
16 若是咱所已經到的，著照此個來行。
17 兄弟啊，恁著相及學我，恁有阮做模樣，就著致意看許個照按呢行的。
18 因為有多多人行代誌是我曾沓沓給恁講，今也流目屎給恁講的，𪜶就是基督十字架的對敵：
19 𪜶的結局是沈淪；𪜶的上帝是𪜶的腹肚。𪜶的榮光是佇𪜶的見誚，𪜶所致志是地上的事。
20 因為咱是天頂的國民，也向望拯救者對遐來，就是主耶穌基督。
21 伊既然有權能會互萬物降服伊本身，就欲用彼個權能來變換咱卑賤的身軀，及伊榮光的身軀同款。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。