上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以弗所書
6
子兒及父母
做子兒的，恁𫢶佇主著順趁恁的父母，因為這是應該的。
2 「著尊敬你的父母，（這是頭一條有含應允的誡），
3 欲互你亨通，長歲壽佇世間。」
4 做老父的，恁通激子兒的受氣，獨獨著用主的警戒及教訓來培養𪜶。
奴僕及主人
5 做奴僕的，恁著驚惶愕愕惙，用誠實心順趁照肉體做恁的主人的，親像啲順趁基督。
6 莫得干單佇目睭前殷勤，親像取互人歡喜的，就是著親像做基督的奴僕，用實心來行上帝的旨意。
7 甘心做工，親像給主做，是給人做。
8 因為知無論做奴僕，抑是自由的，逐人所行甚麼好，欲對主來受倒轉。
9 做主人的，恁也著按呢款待奴僕，莫得哄喝𪜶。因為知𪜶及恁同一個主佇天裡；就是無用外貌取人的。
抵敵邪惡
10 結尾來講：恁著𫢶佇主，及伊氣力的權能來勇壯。
11 著穿上帝全副的戰甲，互恁會徛在來抵敵魔鬼諸個詭計。
12 因為咱的交戰是抵敵血氣的，就是抵敵諸個辦政事的、諸個掌權的，及此個暗世諸個君王，以及天中歹的神類。
13 所以，恁著用上帝全副的戰甲，互恁佇風險的日抵當會住，到恁已經做成攏總的事，也猶原徛在。
14 所以著徛吚在用真實縖腰，用義做護心鏡，
15 用和平福音的備辦穿佇腳裡。
16 閣著夯信的盾牌，用此個才會拍滅歹的一切的火箭；
17 閣領受拯救的頭盔，以及神的劍，就是上帝的話；
18 用逐樣的祈禱及懇求，時時佇聖神來祈禱；警醒佇此個，為著攏總的聖徒懇求無厭倦，
19 也替我求，互我會得開嘴，好膽來講互人知福音的奧妙，（為著此個我做掛鐵鍊的欽差，）
20 也著求互我佇此個奧妙會好膽照我所應該講的。
祝福
21 獨獨欲互恁也知我的事情，及我的景況怎樣，有所疼的兄弟推基古，就是𫢶佇主盡忠的差用，伊欲互恁知攏總的事。
22 為著按呢我刁持差伊去就近恁，互恁知阮的事，閣安慰恁的心。
23 願平安，及仁愛、含信，對父上帝及主耶穌基督到佇眾兄弟！
24 閣見若用𣍐敗壞的疼來疼咱的主耶穌基督的，願恩典及𪜶眾人相及佇啲！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。