上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以弗所書
3
保羅向外邦人的工作
因為按呢，我──保羅為著恁外邦人做基督耶穌的囚犯。
2 恁若曾聽見上帝，為著恁所賞賜我恩典的職份，
3 就是用啟示互我知彼個奧妙，親像我已經有大略寫的。
4 恁讀伊，就會曉得我知影基督的奧妙。
5 是前代未曾互人知的，無親像現今佇聖神啟示伊諸個聖的使徒先知一樣。
6 就是外邦人佇基督耶穌，對福音，同做後嗣，同做一個身體，相及有份佇所應允的。
7 我做此個福音的差用，照上帝恩典的賞賜，就是照伊的權能所運行來賞賜我的。
8 我是眾聖徒中上第一細的，得著此個恩典賞賜我，通將基督𣍐測𢜬得的富有傳互外邦，
9 也互眾人攏明白，此個奧妙是怎樣安排，就是歷代以來囥密佇造萬物的上帝的，
10 今欲對教會互佇天裡諸個辦政事的、有權能的，知上帝百般的智慧。
11 照伊佇咱的主基督耶穌所定著萬代的旨意。
12 𫢶佇伊，咱諸個對信伊，有好膽閣嗐哉，來親近上帝。
13 所以，求恁莫得為著我替恁所受的患難來餒志，這是恁的榮光。
明白基督的疼
14 因為按呢，我跪落佇父的面前，（
15 就是佇天頂地上攏總的家，對伊來號名的。）
16 求伊照伊榮光的富有，對伊的神，用權能互恁心內勇健，
17 互基督對恁的信，來徛起佇恁的心，互恁有釘根下地基佇仁愛，
18 才會及攏總的聖徒曉悟彼個長、闊、高、深，
19 也知基督的疼，就是𨃟過佇人所會知的疼，互恁照上帝齊備的充滿，來得著充滿。
20 上帝會行做𨃟過佇咱一切所求所想的，就是照伊所運行佇咱的權能。
21 願佇教會，及佇基督耶穌，榮光歸伊到萬世，代代無息。阿們！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。