上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
加拉太書
6
逐人的重擔著相共擔
兄弟啊，若有人無張持陷落罪過，恁屬佇神的人著用溫柔的心神歸正伊；也著家己關防驚了恁也抵著試。
2 恁逐人的重擔著相共擔，用按呢，來盡基督的法。
3 無，也家己掠做有的，是騙家己。
4 逐人著省察家己的所行；就有通誇口的在佇本身，無在佇別人，
5 因為逐人欲擔伊家己的擔。
6 學習道理的，著將逐項好物互教示伊的相及有份。
7 莫得家己錯誤，上帝𣍐侮慢得。因為人所撒的是甚麼，伊也欲收彼號。
8 為著家己的肉體撒的，欲對肉體來收成敗壞；為著聖神撒的，欲對聖神來收成永活。
9 咱行好，通失志；因為若無折站，到期會收成。
10 所以，猶有機會咱著行好佇眾人，佇許個對信成做一家的人閣卡著致意。
警告及祝福
11 恁看我親手寫互恁的字到即大，
12 見若愛用肉體妝飾好看的，𪜶勉強恁受割禮，無是愛免得為著基督的十字架受窘逐。
13 因為𪜶受割禮，連家己也無守律法；獨獨愛恁受割禮，互𪜶通佇恁的肉體誇口。
14 若是我斷斷誇口別項，只有誇口咱的主耶穌基督的十字架若定；對此個，就世間向我釘十字架，我向世間也是按呢。
15 因為受割禮無受割禮攏無要緊，要緊就是做新創造的人。
16 見若照此個準繩來行的，願平安、憐憫到佇𪜶，也到佇上帝以色列的百姓。
17 今了後，人通攪擾我，因為我的身軀有帶耶穌的痕跡。
18 兄弟啊，願咱的主耶穌基督的恩典及恁的心神佇啲。阿們！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。