上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
加拉太書
1
請安
保羅做使徒（是出佇人，也是對人，就是對耶穌基督，及互伊對死人中復活的父上帝）
2 今及同佇啲的眾兄弟，批寄互加拉太諸個教會。
3 願恁對父上帝及咱的主耶穌基督得著恩典、平安！
4 伊為著咱的罪獻家己，欲救咱出現今歹的世代，就是照咱的父上帝的旨意。
5 願榮光歸伊到代代。阿們！
唯一的福音
6 前佇基督的恩召恁的，恁離開伊到即緊，去趁別樣的福音，是我所奇怪。
7 彼個別個是福音，不過有人攪擾恁，愛拍亂基督的福音若定。
8 今設使阮，抑是對天來的天使，傳福音互恁，各樣佇阮所曾傳互恁的，伊著受咒詛。
9 親像阮前曾講的，今我閣講伊，若有人傳福音互恁，各樣佇恁所曾受的，伊著受咒詛。
10 我今是啲對人諂媚嗎？抑是對上帝啊？抑是我啲求互人歡喜啊？我若猶久愛互人歡喜，就是基督的奴僕。
保羅怎樣成做使徒
11 兄弟啊，我報恁知，論我平素所傳的福音彼個是照人的意思。
12 因為我未曾對人受著，也無受人教示，是對耶穌基督的啟示。
13 恁曾聽見我前佇猶太教所行做的，就是窘逐上帝的教會真殄來陷害伊。
14 閣我佇猶太教，比本族同輩的多多人卡進步，為著我祖宗的遺傳閣卡熱心。
15 若是對阮老母的胎分別我，用伊的恩典召我的上帝，
16 既然歡喜將伊的子顯明佇我，欲互我宣傳伊佇外邦，我就無及人參詳，
17 也無上耶路撒冷就近許個代先我做使徒的，獨獨去亞拉伯，閣倒轉來大馬色。
18 三年後，我上耶路撒冷去探磯法，及伊住十五日。
19 其餘的使徒，除去主的兄弟雅各以外，我攏無見著。
20 今我所寫互恁的，我佇上帝的面前無白賊。
21 後來我到敘利亞及基利家的地方。
22 彼時，屬猶太地𫢶佇基督諸個教會猶久識我的面。
23 𪜶干單聽見講前窘逐咱的，今傳伊平素所陷害的教。
24 就因為我歸榮光上帝。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。