上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多後書
11
保羅及假使徒
願恁容允我小可的戇，其實恁無容允我。
2 因為我將上帝的熱心，為著恁來熱心。因為我曾聘定恁互一個丈夫，欲將恁做貞節的在室女，獻互基督。
3 總是我驚了恁的心思敗壞，無純全清潔來向基督，親像蛇用伊的詭譎引誘夏娃一樣。
4 若有人來傳別個耶穌，阮所未曾傳的；抑是恁受著各樣的神，前所未曾受著的；抑是各樣的福音，前所未曾承受的；恁容允伊，好。
5 因為我拍算，我攏無卡輸佇許個上等的使徒。
6 我講話雖然俗俗，若是智識久是按呢。因為阮凡事有對恁顯明此個佇眾人中。
7 抑是我家己屈低，互恁升高，無提所費白白傳上帝的福音互恁，這豈是犯罪嗎？
8 我搶別個教會，提𪜶的束脩來服事恁。
9 我及恁佇啲的時用無夠，未曾連累著恁一人；因為對馬其頓來的兄弟補足我的欠缺。我凡事家己守，無拖倕恁，後來也欲家己守。
10 基督的真實既然佇我，就佇亞該亞諸個地方無人會阻止我此號的誇口。
11 是甚麼緣故？是我無疼恁嗎？上帝知啦。
12 總是我所行的，猶原欲行伊，欲絕斷許個尋機會的人的機會，互𪜶佇𪜶所誇口的究竟及阮無各樣。
13 因為彼號人是假使徒，行代誌奸詐，家己妝做基督的使徒。
14 這也無奇怪，因為撒但也家己妝做光明的天使。
15 所以伊的差用家己，妝親像義的差用，這也是大事。𪜶的結局欲照𪜶的所行。
保羅做使徒所受的患難
16 我閣講，人通看我做戇。總是若按呢，就著猶原接納我親像戇，互我也通略略仔誇口。
17 我今所講的是照主來講，是親像戇大膽來誇口；
18 既然有多多人照肉體來誇口，就我也欲誇口。
19 恁既然是智識的人，就歡喜容允戇的人。
20 設使有人款待恁做奴僕，吞咬恁，掠恁，自高，搧恁的面，恁就容允伊。
21 我講按呢是無體面，那親像阮前是軟茈。總是，人佇甚麼代誌好膽，我也好膽。（我講此句是戇話。）
22 𪜶是希伯來人嗎？我也是。𪜶是以色列人嗎？我也是。𪜶是亞伯拉罕的後裔嗎？我也是。
23 𪜶是基督的差用嗎？我閣卡是。（我親像狂啲講，）我著磨猶卡多，關落監也卡多，受拍到𣍐算得，多多擺險險死。
24 我互猶太人拍五擺，每擺四十下減一下；
25 三擺受枴仔拍；一擺受著石頭擲；三擺抵著船破，一日一暝佇深海。
26 常常勒路，抵著江河的危險、賊馬的危險、本族的危險、外邦的危險、城內的危險、曠野的危險、海面的危險、假兄弟的危險。
27 受勞碌、及艱苦，沓沓無睏，枵掛嘴乾，沓沓無食，寒掛褪腹裼。
28 除去諸個外事，猶有一項逐日壓我，就是替眾教會掛慮。
29 是誰軟弱，也我無續軟弱啊？是誰著觸，也我的心無親像火𤏸啊？
30 我若不得不著誇口，就欲誇口關係我軟弱的事。
31 主耶穌的上帝也是伊的父，永遠通謳咾的知我無白賊。
32 佇大馬色亞哩達王所設的地方官把守大馬色人的城，欲掠我，
33 若是我對窗仔，用筐，對城牆互人縋落去，脫離伊的手。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。