上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多後書
8
熱心的捐助
兄弟啊，阮將上帝所賞賜佇馬其頓諸個教會的恩報恁知，
2 就是佇患難中受大試煉的時，𪜶的大歡喜，及𪜶的極喪鄉有格外成𪜶大大的好心。
3 因為我干證，𪜶家己甘願照𪜶的力量，閣過頭佇𪜶的力量，
4 懇切求阮互𪜶得著此個恩，來相及有份佇服事聖徒；
5 閣若照阮所向望，就是代先將本身獻互主，也對上帝的旨意獻互阮。
6 所以阮勸提多，伊既然有提倡此個恩惠佇恁中間，就著照按呢互伊成。
7 今恁佇凡事親像信心、口才、智識、攏總的熱心，以及恁的疼阮，諸個事既然充滿，就佇此個恩惠也著充滿。
8 我講按呢，是命令恁，是對別人的殷勤來試驗恁仁愛的實在。
9 因為恁知咱的主耶穌基督的恩：伊本好額，為著恁成做喪鄉，欲互恁對伊的喪鄉，來成做好額。
10 我佇此層事將我的意見互恁知，因為這是恁的利益；是恁對舊年已經提倡此個事，若做前行，也做前甘願，
11 今著做成此個事。致到恁既然有熱心的甘願，也照所有的來成伊。
12 因為已經有此號熱心，就得著接納，是照人所有的，是照人所無的。
13 卻是愛別人聊量，恁豁達，
14 是愛得平平，現時將恁有剩的補𪜶的無夠，通將𪜶有剩的補恁的無夠，按呢才會平。
15 照所記載講：
拾多的無剩；
拾少的無欠。
提多及伊的同工
16 感謝上帝，互提多的心平平為著恁殷勤。
17 伊卻也是受阮的苦勸，總是伊本然真殷勤，家己甘願去尋恁。
18 我也差一個兄弟及伊去，就是佇福音有互眾教會謳咾的。
19 若按呢，也是諸個教會所揀選，及阮出門逗料理阮所啲辦的恩惠，來表明主的榮光，及阮的甘願。
20 是持防人為著阮所料理的多多銀，來嫌阮。
21 因為阮圖謀好事，若佇主的面前，也是佇人的面前。
22 閣差阮的兄弟一人及𪜶去；阮佇多多事曾多多擺試驗伊，知伊的殷勤。今因為深信恁，就閣卡殷勤。
23 論到提多，伊是我的同伴，為著恁來相及著磨的。抑是阮諸個兄弟，𪜶是諸個教會的使者，也是基督的榮光。
24 所以，佇諸個教會的面前恁著對𪜶顯明恁的仁愛的憑據，也顯明阮為著恁所誇口的是實在。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。