上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
6 耶和華吩咐摩西講：
2 「若有人犯罪，干犯耶和華，對伊的厝邊行詭詐，或是所交代伊物件，或是交關買賣，或是搶人的財物，或是欺壓厝邊，
3 或是拾著失落的物行詭詐，白賊來咒誓，佇人所行一切的事的中間犯著一項來有罪；
4 伊若犯著，致到有過失，就著還所搶的，抑是因為欺壓所得著的，抑是所交代伊的物，抑是人失落互伊所拾著的物，
5 抑是伊因為甚麼物白賊咒誓，就著照數額來還，另外加五份的一份，佇查出伊有過失的日著還本主。
6 也著照你所估的，用伊補過失的祭──就是羊群中一隻無瑕疵的綿羊牨──牽到耶和華的面前，交互祭司做補過失的祭。
7 祭司著佇耶和華的面前替伊贖罪；伊無論行甚麼事，互伊有罪，攏欲得著赦免。」
祭司獻燒祭的責任
8 耶和華吩咐摩西講：
9 「你著命令亞倫及伊的子孫講，燒祭的例是按呢：燒祭著下佇壇的柴頂，一暝到光，壇頂的火著常常𤏸。
10 祭司著穿幼苧布的衣服，下身也著穿幼苧布的褲，將壇頂的火所燒做燒祭的灰收起來，傾佇壇邊；
11 然後著褪去此個衣服，穿別號的衣服，將火灰帶出營外到清氣的所在。
12 壇頂的火著佇頂面常常𤏸，通熄。祭司著逐早起佇彼頂面燒柴，閣將燒祭排佇壇頂，佇彼頂面燒謝恩祭的油。
13 佇壇頂的火著常常𤏸，通熄。」
祭司獻素祭的責任
14 「素祭的例是按呢：亞倫的子孫著佇壇前將這獻佇耶和華的面前。
15 伊著對彼中間，提出素祭的麵粉一把，及油及素祭中所有的乳香，燒佇壇頂，做紀念獻互耶和華做芳味。
16 所剩的，亞倫及伊的子孫著食伊，著佇聖的所在通參酵來食，著佇會幕的院內食。
17 通參酵來煏伊。這是我對我的火祭中賞賜𪜶的份額，是至聖的，及贖罪祭以及補過失的祭一樣。
18 見若亞倫子孫中查甫的攏著食伊，對耶和華的火祭中，做永遠的份額，直到恁的萬代。摸諸個祭物的，攏欲成做聖。」
19 耶和華吩咐摩西講：
20 「亞倫及伊的子孫佇伊受抹油的日，所著獻互耶和華的禮物，就是幼的麵粉伊法十份的一份，做常常獻的素祭：早起時一半，下昏時一半。
21 著佇煎盤用油來做，調和了，你就著提入來；煏好一塊一塊，做素祭獻互耶和華做芳味。
22 伊的子孫中，續接伊受抹油做祭司，著獻伊，著一盡燒互耶和華。這是永遠的例。
23 祭司的素祭著一盡燒，通食伊。」
祭司獻贖罪祭的責任
24 耶和華吩咐摩西講：
25 「你著吩咐亞倫及伊的子孫講，贖罪祭的例就是按呢：著佇耶和華的面前、刣燒祭的精牲的所在來刣贖罪祭的精牲；這是至聖的物。
26 為贖罪獻此個祭的祭司著食伊，著佇聖的所在，就是佇會幕的院內食伊。
27 見若摸伊的肉的欲成做聖；伊的血若灑佇甚麼衣服的頂面，所灑著彼領你著佇聖的所在洗。
28 若煮佇磁的器具著給伊摃破；若煮佇銅的器具，此個器具著過磨，才用水洗。
29 見若祭司中的查甫丁攏著食伊，這是至聖的物。
30 見若贖罪祭，伊的血若帶入會幕佇聖所贖罪，攏通食伊，著用火燒伊。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。