上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
16
兌銀幫助聖徒
論到兌銀幫助聖徒的事，照我所曾吩咐加拉太諸個教會的，恁也著按呢行。
2 每七日的頭一日，恁逐人照所得的利家己積下啲，免得我來的時才捐兌。
3 我若到，看恁用批舉薦甚麼人，我欲差𪜶帶恁所送的銀到耶路撒冷。
4 若應該著我去，𪜶也通及我去。
行程的計劃
5 我經過馬其頓了後，就欲到恁遐，因為我對馬其頓經過，
6 豈採欲及恁且住，過冬天也敢。互恁送我佇所欲去的。
7 是我愛此霎佇路裡見著恁；因為主若准，我向望及恁住啲卡久。
8 總是我猶欲住佇以弗所，到五旬節；
9 因為主有給我開一個闊大閣有功效的門，若是對敵也多。
10 提摩太若到，恁著留心，互伊佇恁中間無驚惶；因為伊著磨佇主的工，親像我一樣。
11 所以，通有人看輕伊，著送伊安然起身，就近我，因為我啲聽候伊及諸個兄弟來。
12 論到兄弟亞波羅，我再三勸伊及諸個兄弟就近恁；總是伊現今攏無意思欲去，若有機會伊就欲去。
請求及請安
13 恁著警醒，徛在佇信，做大丈夫，做勇健。
14 恁凡事著佇仁愛來行。
15 兄弟啊，恁知司提反阿的家，是亞該亞頭水的果子，𪜶掠服事聖徒做家己的職份。
16 我勸恁降服此等號的人，以及見若同做工來著磨者。
17 我歡喜司提反阿、福徒拿、亞該古來，因為𪜶補恁的無夠。
18 是𪜶有安慰我及恁的心神。親像此號的人，恁著知通敬重伊。
19 亞西亞諸個教會請安恁。亞居拉、百基拉及聚集佇𪜶厝內的教會，𫢶佇主切切請安恁。
20 眾兄弟請安恁。恁著用聖的相唚來相請安。
21 我──保羅親筆請安恁。
22 若有無疼主的人，伊著受咒詛。咱的主來啊！
23 願主耶穌基督的恩及恁佇啲！
24 我的疼佇基督耶穌及恁眾人佇啲。阿們！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。