上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
13
仁愛
我設使會講人及天使的音語，若無仁愛，我就成做響的銅器，鳴的鐃鈸。
2 我設使做先知明白攏總的奧妙，及攏總的知識，閣設使有齊備的信，夠額來移山，若無仁愛，我就𣍐算做是甚麼。
3 我設使盡所有的來賑濟，閣獻我的身軀互火燒，若無仁愛，就我無得著利益。
4 仁愛是𠢕寬容、慈悲；仁愛是無怨妒；仁愛無誇口，無品嗙，
5 無行見誚的事，無求家己的利益，無快受氣，無記得人的歹，
6 無歡喜不義，是及真理相及歡喜；
7 凡事忍受，凡事相信，凡事向望，凡事吞愞。
8 仁愛永遠𣍐無去。若是先知的職欲廢無；許個音語欲息知識欲廢無。
9 因為咱所知的無完全，做先知也無完全，
10 完全若到，無完全的就廢無。
11 我做囝仔的時，講話親像囝仔，性情親像囝仔，意見親像囝仔，已經成人，就廢無囝仔的事。
12 因為咱今對鏡啲看，霧霧無明，若是到彼時就當頭對面。我今所知無完全，到彼時就知，親像我互主知一樣。
13 現今所存的就是信、向望、仁愛此三項，其中第一大的是仁愛。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。