上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
12
屬靈的恩賜
兄弟啊，論到神的賞賜，我愛恁知。
2 恁知恁做外邦人的時，受迷惑去就近𣍐講話的偶像，出在伊引誘。
3 所以我互恁知，互上帝的神感動來講的，無人講「耶穌是通咒詛」；若是互聖神感動的，也無人會講「耶穌是主」。
4 今恩賜有分別，若是神是像一個。
5 職份有分別，若是主是像一個。
6 功用有分別，若是上帝像一個，施行萬事佇眾人中的。
7 若是聖神的顯明是賞賜逐人，欲利益眾人。
8 因為有的對神用智慧的話互伊，有的照此個神用知識的話互伊，
9 閣有人佇此個神用信互伊，有的佇此個神用醫病的恩賜互伊，
10 有的互伊會行各樣的權能，有的互伊做先知，有的互伊會分別諸個神，閣有的互伊會講逐樣的音語，有的互伊會翻譯逐樣的音語。
11 諸個攏是像一個神所施行的、照伊所愛的隨樣分互逐人。
一個身軀有多多肢體
12 因為親像身軀是一個，也有多多體；閣身軀的體雖然多，攏是一個身軀；基督也是按呢。
13 因為咱眾人無論是猶太，抑是希利尼，做奴才的，抑是自由的，攏曾受洗禮佇一個神，來屬佇一個身軀，也攏總曾飲一個神。
14 因為身軀是一體，是多多體。
15 設使腳若講：「我因為是手，我無屬身軀；」伊是為著按呢就無屬佇身軀。
16 設使耳仔若講：「我因為是目睭，我無屬佇身軀；」伊是為著按呢就無屬佇身軀。
17 設使通身軀是目睭，對叨落會聽？若攏是耳仔，對叨落會鼻？
18 若是，上帝照伊的所愛將諸個體隨個安排佇身軀。
19 若百體攏像一款，就身軀佇叨落？
20 總是今體是多多，也身軀是一個。
21 目睭𣍐會對手講：「我無欠用你；」頭殼也𣍐會對腳講：「我無欠用恁。」
22 若按呢，身軀諸個體看做卡軟茈的，閣卡𣍐無得。
23 閣咱看做身軀卡無貴氣的體，咱就妝飾互𪜶卡尊貴；也卡無文雅的，咱互𪜶閣卡文雅。
24 因為咱文雅的體，無所欠缺；獨獨上帝調和身軀，佇有欠缺的益發互伊尊貴，
25 免得身軀無相合，是欲互百體平平相眷顧。
26 若一體受苦，百體同受苦；一體受榮光，百體同快樂。
27 恁諸個是基督的身軀，隨個是做體。
28 上帝所設佇教會的：一是使徒，二是先知，三是教師，閣有行權能的，閣有醫病的恩賜，幫助的，治理的，講逐樣的音語的。
29 眾人豈攏是使徒嗎？攏是先知嗎？攏是教師嗎？攏行權能嗎？
30 攏有醫病的恩賜嗎？攏會講逐樣的音語嗎？攏會翻譯嗎？
31 恁著切切欣慕許個卡大的恩賜。我用第一好的路續指示恁。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。