上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
10
警戒拜偶像的事
兄弟啊，我愛恁知咱的列祖攏佇雲下，也攏對海中經過，
2 也攏佇雲中、海中受洗禮歸佇摩西；
3 也攏食同一樣靈的食，也攏飲同一樣靈的飲。
4 因為𪜶所飲的，是對隨𪜶靈的石磐出；彼個石磐就是基督。
5 若是𪜶中間卡多人互上帝無歡喜，因為𪜶的身屍橫逆佇曠野。
6 今諸個事是做咱的鑑戒，互咱莫得愛歹，親像𪜶愛歹一樣；
7 恁也莫得拜偶像，親像𪜶中間有人拜伊。照所記載講：「百姓坐啲飲食，起來跳舞。」
8 咱也莫得行淫，親像𪜶中間有人行淫，一日死二萬三千人；
9 咱也莫得試主，親像𪜶中間有人試伊，就互蛇咬死。
10 恁也莫得耦耦唸，親像𪜶中間有人耦耦唸，就互剿滅的滅𪜶。
11 今𪜶抵著諸個事是做鑑戒，續記載來警戒咱，就是諸個世代尾的人。
12 所以，家己掠做徛在的，著謹慎，驚了跋倒。
13 恁所抵著的試，無是人的常事。上帝是信實，無欲互恁抵著試過頭佇恁所會當；就是佇受試的時，欲續開脫出的路，互恁當會起。
14 所以我所疼的兄弟啊，著閃避拜偶像的事。
15 我所講是親像對智識的人講，恁著省察我的話。
16 祝謝的杯咱所祝謝的，豈是相及有份佇基督的血嗎？咱所擘的餅，豈是相及有份佇基督的身軀嗎？
17 因為餅既然一個，咱雖然多多人，也是一體，因為攏有份佇一個餅。
18 試看照肉體的以色列人，許個食祭物的豈是相及有份佇祭壇嗎？
19 按呢我是啲講甚麼？豈是啲講祭偶像的物是甚麼？
20 抑是講偶像是甚麼？是啲講外邦人所祭的是祭鬼，是祭上帝。我愛恁有份佇鬼。
21 恁𣍐會飲主的杯兼飲鬼的杯，𣍐會有份佇主的桌兼有份佇鬼的桌。
22 抑是咱啲激互主受氣嗎？咱豈卡勇壯伊嗎？
凡事為榮耀上帝來行
23 凡事攏通，總是無攏有利益。凡事攏通，總是無攏建立德行。
24 莫得求利益家己，著求利益別人。
25 見若街市所賣的，通食，莫得為著良心的緣故來查問，
26 因為地及通地裡的物攏是主的。
27 若有一個信的人請恁，也恁愛欲去，見若排啲請恁的，通食伊；莫得為著良心的緣故來查問。
28 設使有人給恁講：「此個是祭物」，就莫得食，這是為著彼個給恁講的人以及良心的緣故。
29 所講的良心是家己的，是彼人的。因為我的自由啥事互別個良心擬議啊？
30 我若感恩來食，啥事為著我所感謝的互人誹謗啊？
31 所以，恁或是食或是飲，或是做甚麼，攏著因為榮光上帝來做。
32 無論猶太，抑是希利尼，抑是上帝的教會，恁莫得做𪜶的塞礙；
33 親像我凡事互眾人歡喜，無求家己的利益，就是求眾人的利益，愛欲互𪜶得著救。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。