上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
哥林多前書
3
上帝的同工
兄弟啊，我前及恁講話，𣍐會掠恁做屬神的人，是做屬肉體的人，𫢶佇基督是做嬰仔的。
2 我曾用奶飼恁，無用米糧。因為恁前𣍐堪得，到今猶𣍐會。
3 是恁猶趁肉體，恁中間既然有怨妒、相爭，豈是趁肉體，照人的款來行嗎？
4 因為此個講：「我屬保羅」；彼個講：「我屬亞波羅。」按呢恁豈是趁人的意思嗎？
5 亞波羅是甚麼？保羅是甚麼？是恁所對𪜶來信的差用，照主所賞賜逐人的。
6 我栽種，亞波羅沃水，獨獨上帝互伊大欉。
7 按呢生栽種的，沃水的，攏𣍐算得數；只有互伊大欉的上帝若定。
8 栽種的及沃水的，是一樣，若是逐人照家己的著磨欲得著家己的工錢。
9 因為阮是上帝的同著磨的；恁是上帝所作的園，上帝所起的厝。
10 照上帝所賞賜我的恩，我親像智慧的師傅頭，有下地基，別人起佇彼頂面；總是逐人著謹慎怎樣起伊。
11 因為所下的地基以外無人會下別個地基，地基就是耶穌基督。
12 總是人若用金、銀、寶石、柴、草、稻稿起佇此個地基頂，
13 逐人的工啲欲露現，是彼日欲顯明伊，因為欲對火來顯現；閣火欲試驗逐人的工是甚麼款。
14 人所起造的工若猶留啲，就伊欲得著工錢。
15 人的工若燒燎去，伊就抵著損失，獨獨本身欲得著救，拘是親像對火中脫出。
16 豈知恁是上帝的殿，上帝的神𫢶佇恁內面嗎？
17 人若毀壞上帝的殿，上帝欲毀壞伊；因為上帝的殿是聖，殿就是恁諸個。
18 人通家己騙。恁中間若有人掠家己佇此世間做有智慧，就著成做戇，通成做有智慧。
19 因為此世間的智慧，照上帝看是戇。因為有記載講：「互諸個智慧的人，中𪜶家己的詭譎的」；
20 閣講：「主知有智慧的人的念頭是空空。」
21 所以通將人來誇口，因為萬物是恁的。
22 無論保羅、亞波羅、磯法、世界、活、死、現今的、將來的，攏是恁的；
23 恁是基督的，基督是上帝的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。