上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
羅馬書
12
佇基督內面的新生活
兄弟啊，所以我因為上帝的憐憫勸恁獻家己的身軀做祭，是活的，聖的，上帝所歡喜的；這是恁神靈的服事。
2 莫得及此世間像款，著用心志換新來變化家己，互恁會明白甚麼是上帝善良、通歡喜、純全的旨意。
3 因為我對所互我的恩給恁中間逐人講，恁所想來忖𢜬家己，通𨃟過佇應該想的；所想著安份來想，照上帝所賞賜逐人信的份量。
4 因為親像咱一身有百體，若是百體的功用無攏相同；
5 按呢咱多多人𫢶佇基督做一身，逐個相共做體。
6 咱照所互咱的恩，已經得著恩賜，各無相同。或是做先知，就著照信的份量來講，
7 或是辦代誌，著致意佇辦代誌；或是教示人的，著致意佇教示；
8 或是勸勉的，著致意佇勸勉；賙助的，著用實心；治理的，著用殷勤；憐憫的，著用歡喜。
基督徒生活法則
9 疼著無假；怨恨歹，親近好。
10 疼兄弟，著相親愛；敬重人，著相推尊。
11 論殷勤，通貧憚。論心志著熱熱，論主著服事。
12 佇向望著歡喜，佇患難著吞愞，佇祈禱著常常。
13 聖徒所欠缺的就供給伊；出外人著致意好款待𪜶。
14 窘逐恁的，著給𪜶祝福；著祝福，莫得咒詛。
15 及歡喜的人相及歡喜；及啼哭的人相及啼哭。
16 相款待著同一樣的心；心志莫得好高，著促就卑微的；莫得掠家己做有智識。
17 莫得用歹報歹；佇眾人的面前著圖謀諸個好事。
18 若會得通及眾人和，就著盡力及𪜶和。
19 所疼的兄弟啊，莫得家己伸冤，著愞氣卡好；因為有記載講：「主講：『伸冤在佇我，我欲報應伊。』
20 若是你的對敵枵，著互伊食，嘴乾，著互伊飲；因為行按呢是將熱熱的火炭疊佇伊的頭殼頂。」
21 莫得互歹卡贏，著用好卡贏歹。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。