上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
26
保羅佇亞基帕王面前申辯
亞基帕對保羅講：「准你家己排列。」保羅就攑起手分訴，講：
2 「亞基帕王啊，我互猶太人所告的，今仔日欲攏分訴佇你的面前，是真該哉；
3 閣卡該哉的，是因為猶太人的規例及𪜶的辯論你攏知；所以求你寬容聽我。
4 我對起頭佇我的百姓的中間，及佇耶路撒冷，對少年做人怎樣，猶太人攏知。
5 𪜶對起頭識我設使肯做干證，就知我照咱教中極嚴的派做法利賽人。
6 現在我徛佇遮來受審判，就是因為向望上帝對咱的列祖所應允的；
7 咱十二支派，日暝殷勤服事，亦是向望到佇此個。王啊，我為著此個向望，才互猶太人告。
8 上帝若互死人復活，恁怎樣掠做𣍐信得啊？
9 前我家己拍算著用多多項來攻擊拿撒勒耶穌的名，
10 佇耶路撒冷果然曾按呢行。已經受著諸個祭司頭的權，將多多聖徒關佇監裡。𪜶受刣死，我亦擬有份。
11 閣佇逐個會堂，我沓沓刑罰𪜶強迫𪜶講謗瀆的話，攻擊𪜶愈雄，到外位的城亦窘逐𪜶。」
保羅講歸主的經過
12 ( 9:1-19 22:6-16 )
「彼霎，我去大馬色的時，有得著諸個祭司頭的權及命令。
13 王啊，我佇路上，日中晝的時，看見對天有光，贏過日的燦爛，圍纍照我及同行的人。
14 阮攏倒佇地裡，我聽見有聲用希伯來的腔口對我講：『掃羅！掃羅！你啥事窘逐我？你用腳踢莿是艱苦！』
15 我講：『主啊，你是是誰？』主講：『我就是你所窘逐的耶穌。
16 總是你著起來徛，因為我刁持對你出現，欲設立你做差用，做干證的，佇你所看見我及我所欲出現互你看的事。
17 救你出此個百姓及外邦人的手，就是現今差你就近𪜶的。
18 來開𪜶的目睭，互𪜶對暗越轉到佇光，離開撒但的權勢來歸向上帝；對信我，來得著赦罪，閣得著基業佇成聖者的中間。』」
保羅向猶太及外邦人做見證
19 「亞基帕王啊，所以我無違逆對天所顯現的；
20 就代先佇大馬色，後來佇耶路撒冷及猶太的全地，以及外邦，勸人著反悔來歸向上帝，行代誌及反悔相合。
21 因為按呢，猶太人佇殿裡掠我，欲刣我。
22 若是我得著上帝的庇佑，到今仔日猶佇啲，對大到細做干證；所講的無是諸個先知及摩西所講欲到的事，
23 就是基督怎樣著受苦，閣怎樣做頭用死人復活的事，來傳報光明互此個百姓及外邦。」
保羅懇請亞基帕王
24 保羅按呢分訴，非斯都大聲講：「保羅，你啲狂啦。你的多多學問互你變做狂！」
25 保羅講：「非斯都大人，我是狂，我是講真實端正的話。
26 因為王知諸個事，我亦好膽對伊講，是諸個事我深信無一項隱密佇王，因為這是行佇偏僻的所在。
27 亞基帕王啊，你信諸個先知嗎？我知你信。」
28 亞基帕對保羅講：「你想用小可苦勸，欲互我做基督徒啊！」
29 保羅講：「我求上帝，無論用小可抑是大，若互你，亦互今仔日見若聽我講的，攏及我一樣，獨獨無諸個鎖鍊。」
30 王及總督及百尼基以及同坐的人攏起來，
31 退去相及談論，講：「此人所做無應該死應該缚的事。」
32 亞基帕給非斯都講：「此人若未有對該撒告御狀，就通放伊。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。